مع ديوان (بستان العشق) للشاعر / جمال البيلي

 أولا : الســـيرة الذاتـــية للشــاعــر/ جــمـــال البـــيــلي 

بسم الله الرحمن الرحيم                                          

 الشـــــاعــــر/ جــــمــــال البــــيـــلي

الســـــــــــيرة الذاتـــــــــــية

*الاسم : جمال أحمد طه محمد البيلي.

*الجنسية : مصري ومن مواليد مدينة الإسكندرية عام  1965

*موظف بالإدارة الهندسية لحي الجمرك بمدينة الإسكندرية سابقاً ويعمل حالياً مدوناً بدون أن يتقاضى أى أجر.

*فنان شامل في مجالات الأدب والموسيقي والفن التشكيلي وبدأ رحلته مع الفنون من عام1981 وحتي الآن.

*في مجال الأدب : يكتب جميع فنون الأدب العربي

حيث يكتب : الشعر الفصيح - الزجل والأغنية - القصة الزجلية ـ القصة القصيرة - المسرحية - الرواية.

*في مجال الموسيقي : عازف أورج وبيانو وله محاولات متعددة في الغناء والتلحين.

*في مجال الفن التشكيلي : مصور فوتوغرافي محترف ومتخصص في فن البورتريه.

إنجازاته مع الفنون :

ـ1ـ قام بتأليف أكثر من 35 كتاباً متنوعاً في شتي مجالات الأدب العربي نجح فيها في إضافة فكراً جديداً وأسلوباً مبدعاً للأدب العربي في العصر الحديث.

ـ2ـ حصل علي المركز الأول فى الشعر علي مستوي  جمهورية مصر العربية في المسابقة القومية الخاصة بحماية البيئة والتي نظمتها وزارة الشباب المصرية بمدينة كفر الشيخ في عام 2000.

ـ3ـ حصل علي المركز الأول في الزجل علي مستوي جمهورية مصر العربية في نفس المسابقة.

ـ4ـ حصل علي المركز الثاني في الأغنية علي مستوي جمهورية مصر العربية في المسابقة القومية (لا للتدخين) والتي أقامتها وزارة الشباب المصرية بمدينة كفر الشيخ في عام 1999.

ـ5ـ كما حصل علي المركز الأول في 4 مسابقات بمفرده وهي مسابقات الشعر والزجل والأغنية والقصة القصيرة علي مستوي مدينة الإسكندرية في تصفيات المسابقة السابقة.

ـ6ـ حصل علي العديد من الجوائز وشهادات التقدير علي أعلي المستويات.

ـ7ـ عضوعامل في إتحاد كتاب مصر.

ـ8ـ عضو جماعة الأدب العربي بالإسكندرية.

ـ9ـ عضو كورال سيد درويش بمركز الإبداع بالإسكندرية.

ـ10ـ عضو مرسم مركزالإبداع اًيضاً بالإسكندرية.

ـ11ـ نُشرت له العديد من الأعمال الأدبية في الصحف والمجلات.

ـ12ـ شارك في العديد من المهرجانات الشعرية والأدبية والثقافية علي مستوي جمهورية مصر العربية.

ـ13ـ شارك بالغناء في العديد من الحفلات الغنائية وعلي رأسها مهرجان سكندريات العالم الدولي.

ـ14ـ قامت إذاعة الإسكندرية بإستضافته عدة مرات في مختلف برامجها الثقافية والأدبية مثل برنامج (صور من الشعر) وبرنامج

(مع هذا الأديب) وبرنامج (أدب الشاطئ) وبرنامج (المجلة الثقافية).

ـ15ـ لديه مجموعة كبيرة من الأغنيات معروضة علي لجان النصوص الغنائية بالإذاعة والتلفزيون.

ـ16ـ لديه 105 أغنية تم تلحينها بالفعل وتوزيع بعضها توزيعاً موسيقياَ بواسطة كبار الملحنين والموزعين في الإسكندرية ومن بينها أغنيات قام بكتابتها بسبعة لغات وهي الإنجليزية والفرنسية والأسبانية والإيطالية والألمانية واليونانية بالإضافة إلي اللغة العربية.
ـ17ـ قام بترجمة خمسة كتب من مؤلفاته الأدبية من اللغة العربية إلي اللغة الإنجليزية وهذه الكتب هي:
(1) جــــــنة الزيف (ديـــــــــوان شعــــــر).
(2) أغنـــــــية حب (ديوان أغانى وأزجال).
(3) إغتــــــيال قلب (ديوان أغانى وأزجال).
(4) المرجــــــــيحة (ديوان أغانى وأزجال).
(5) العاشق الكذاب (ديوان أغانى وأزجال). 

ـ 18ـ صدرت لهً خمسة كتب في الأسواق المصرية والعربية وقد حققت جميعها أعلي النسب في المبيعات وهذه الكتب هي:

(1) جـــنة الزيـــف (ديــــــوان شـــــــــعـر).

(2) عودة الأمـــس (مجموعة  قصــــصــية).

(3) أغنـــية حــــب (ديوان أغاني وأزجـال).

(4) زهرة من الجنة (ديوان أغاني وأزجـال).

(5) بستان العــشق (ديوان أغاني وأزجــال).

ثم قام  بنفسه بتحويل كل مؤلفاته الأدبية إلي كتبٍ إلكترونية ليتم عرضها وبيعها دائماً بالتجارة الإلكترونية للعالم كله من خلال موقعه علي الإنترنت وهو بعنوان:

 (آداب خالدة)((((www.adabkhaleda.com واستمر عرض الكتب علي الموقع لمدة سنتين ونصف ثم توقف  الموقع لأسباب تقنية ثم قامت مجموعة شركات (Amazon) و(Smashwords) الأمريكية الشهيرة بنشر وتوزيع وبيع مؤلفاته من الكتب الإلكترونية ـ باللغة العربية والإنجليزية ـ علي الإنترنت لجميع أنحاء العالم.
(19) قام بعرض عشرة كتب أدبية متنوعة من مؤلفاته (بصوته) علي 40 شريط فيديو ووضعها دائماً علي موقع يوتيوب وذلك حتى يتمكن الجمهور من مشاهدتها وقراءتها مجاناً كما قام بنشر هذه الكتب العشرة في مدوناته باللغة العربية حتى يقرأها القراء بالمجان أيضاً ثم أضاف لها خمسة مدونات أخرى تحتوى علي خمسة كتب أدبية مترجمة من اللغة العربية إلي اللغة الإنجليزية.
(20) قام بتخصيص عدد كبير من مدوناته للتصوير الفوتوغرافي الذي يقوم به وذلك حتى يقوم بعرض صور رحلاته الخارجية حول العالم فيها كما قام بتخصيص مدونة خاصة بالفنون التشكيلية وذلك حتى يعرض فيها جميع الصور والرسومات التى رسمها بنفسه لكى يـُعبر بها عن أعماله الأدبية المنشورة في مؤلفاته وقد قام بنشر هذه المدونات باللغة الإنجليزية. 
 (21) لديه دائماً جمهورعريض من عشاق فنه في كل أنحاء العالم.

*******************************

مـــــؤلـفـات الشـــــاعــــر/ جــــمــــال البـــــــيلي

(1) جـــــــنة الزيف (ديــــــــــوان شـــــــــعر).

(2)عــــــودة الأمس (مجــــــموعة قصـــصية).

(3) أغــــــــنية حب (ديوان أغاني وأزجـــــال).

(4) زهرة من الجنة ( ديوان أغــــاني وأزجال).

(5) بستان العشــق (ديوان أغــــــاني وأزجـال).

(6) جنة الحب (ديوان أغاني وأزجـال للأطفال).

(7) إغتيال قلب  (ديوان  أغـــــــــاني وأزجـال).

(8)  المرجيحة  (ديوان أغــــــــــــاني وأزجـال).

(9) العاشق الكذاب (ديوان أغــــــــاني وأزجال).

(10) كوكب السلام   (مســــــــــــــرحـيـــــــات).

(11) أزاهير المسرح (مســــــــــــــــرحيـــــات).

(12) مذبحة الضمير (مســـــرحـــــــــــــــــيات).

(13) وداعاً أيها الوفاء (مجـــــــموعة قصصــية).

(14) المدينة القاتلة  ( مجموعة قصــــــــــصــية).

(15) أكذوبة إسمها الحب (مجمـوعة قصــــصية).

(16) بسمة المستحيل   (ديــوان  شــــــــــــــــعر).

(17) لعبة السياسي الموسيقية(مجموعة قصصية).

(18) إغتيال شاعر ( رواية – الســــــيرة الذاتية ).

(19) أنفلوانزا الشعور   (مجموعة قصــــــــصية).

(20) ينابيع السقوط      (مجموعة قصــــــــصـية).

(21) كلمة السر : حرامي (مســـــــرحــــــــــيات).

(22) حديقة الحيوات (مجموعة قصـــــــــــــصية).

(23) الشخصية المثالية والطريق إلي السعادة(علم نفس إجتماعي).

(24) أشـــــــــجار الصمت (مجمــــــــوعة قصــــــــــــصية).

(25) فجـــــــر الجحــــــيم (مجــــــــمـوعة قصــــــــــــصية).

(26) شــجــــرة الخيـــــــــــانة (مجـــــموعة قصـــــــــصية).
(27) مواطــــن آيـــــل للسقـــوط (مـــــســـــــــرحيــــــــات).

(28) أنشـــــــودة السكـــــــون(مجـــــموعــة قصـــــــــصية).

(29) جــمــهــوريـة جــهــنـــم (مجــــــموعة قصـــــــــصية). 

(30) محـــاكــــمة عصـــــفــور(مجــــــموعة قصــــــــصية).

(31) بحــــــــــيـــرة المــــهـــــــزلــــة (مــــــســــرحــــيات).
(32) التــــقـــدم إلي الخـــــلــــــف (مجـــــموعة قصــــصية).

(33) سيمــــفونية الســـقــــــوط (مجــــــموعة قصـــــصـية). 
(34) إبتــــسم أنت في جهـــنم ! (مجـــــــموعة قصــــــصية).
(35) عـــنــــاقـــيــد النــــفــــاق (مجـــــــموعة قصــــــصية).

رحلته مع الفنون

أولاً: رحلة الأدب: بدأت حياته الأدبية في سن 11 سنة أثناء المرحلة الإبتدائية حيث لفتت كتاباته في موضوعات الإنشاء- نظر مدرسي اللغة العربية بالمدرسة فكان يحصل دائمأ علي الدرجات النهائية وكان يجيد حفظ الشعروإلقائه إجادة تامة ثم بدأ بعد ذلك يكتب ويقلد الشعر الذي كان يدرسه في كتاب المحفوظات في المرحلة الإبتدائية ثم في المرحلة الإعدادية - في صورة خواطر شعرية بسيطة ثم درس أثناء المرحلة الثانوية في دراسة خاصة – العديد من دواوين الشعر قديمه وحديثه ثم درس علم العروض وشتي علوم اللغة العربية فكتب بعد ذلك الشعر الفصيح والموزون والعمودي ثم إتجه إلي كتابة الزجل والأغنية وتتلمذ علي يد الشاعر الكبير/ أحمد السمرة الذي تنبأ له بمستقبل كبيرفي عالم الأغنية بصفة خاصة وفي الأدب العربي بصفة عامة وكان دائماً متواجداً في المحافل والمنتديات الأدبية ثم توالت بعد ذلك كتاباته في مجال القصة القصيرة ثم المسرحية ثم الرواية وكان ذلك بالطبع بعد دراسة مستفيضة ومتعمقة للأدب العربي من جهة وللأدب العالمي من جهة أخري وعلّم نفسه بنفسه من الألف إلي الياء.

ثانياً : رحلة الموسيقي: ظهرت موهبته الموسيقية في سن التاسعة أثناء  المرحلة الإبتدائية حيث كان يجيد حفظ الإيقاعات المختلفة علي آلات الإيقاع في فرقة المدرسة ثم ترك الموسيقي لفترة طويلة وعاد لها مرةًأخري بالدراسة الجادة من خلال ثلاثة معاهد موسيقية شهيرة بالإسكندرية في عام 1991 وتلك المعاهد هي :المعهد الأوروبي للموسيقي – معهد إبراهيم عبد الله- معهد الموسيقي العربية..

وقد تعلّم من خلالها مختلف فنون العزف والتلحين علي اّلتي الأورج والبيانو ثم عاد مرة أخري لمعهد الموسيقي العربية بعد ذلك و إلتحق بقسم الأصوات لتعلم الغناء ثم إلتحق بكورال فرقة سيد درويش بقصر ثقافة الحرية سابقاً (مركز الإبداع حالياً) وشارك من خلاله في العديد من الحفلات الغنائية وعلي رأسها مهرجان سكندريات العالم والعيد القومي لمدينة الإسكندرية.

ثالثاً : رحلة الفن التشكيلي: وبدأت أثناء دراسته الجامعية بالإسكندرية حيث كان يدرس مادة الرسم الهندسي فبرع فيه وكان دائماً يحصل علي أعلي الدرجات وكان دائماً يلفت نظر أساتذته - جمال لوحات الرسم الهندسي لدرجة أنهم عند التخرج قاموا بعرض جميع لوحاته في معرض خاص بالرسم الهندسي كما حصل علي تقدير جيد جداً في مشروع التخرج وأدي ذلك إلي إهتمامه بتلك الموهبة فيما بعد فالتحق بمرسم قصر ثقافة الحرية سابقاً (مركز الإبداع حالياً) لتعلم ودراسة الفن التشكيلي وتخصص بعد ذلك في فن البورتريه والتصوير الفوتوغرافي الذي مارسه وإحترفه بالفعل وقام بالعديد من رحلات السياحة بهدف التصوير وزار خلال هذه الرحلات العديد من الدول في القارة الأوروبية والأسيوية وهذه الدول هي فرنسا وموناكو وإيطاليا والفاتيكان واليونان وماليزيا وتركيا وإندونيسيا ونيبال ولبنان وسوريا و سلطنة عمان وقبرص وجزيرة كورسيكا ـ وعاد منها بمجموعة كبيرة جداً من الصور الفوتوغرافية لهذه الدول وحالياً يقوم بإعدادها لعرضها في معرض خاص للتصوير الفوتوغرافي.

E-mail:gamalelbialy@rocketmail.com

E-mail:gamalahmedelbialy@gmail.com

ــــــــــــــــــــــــــــــــــــــــــــــــــــــــــــــــــــــــــــــ

**والآن عزيزى القارئ نلتقي مع ديوان (بستان العشق) وهو ديوان أغانى وأزجال من مؤلفات

الشاعر / جمال البيلي. 
           

      بـسـتان العــشـق                          

     (1)الإهـــــــــــداء

ف عينيكي أجـمل بـــستــان      

ف عينيكي غـنوة و ألحـــان

ف عينيكي الدنيا بترســم لي  

أشكال م الفرحـــة و ألــوان

     *  *  *  *  *  *  *

ف عينـيكي باعدّي ف بحور

ف عينيكي باحضن ف زهور

ف عينيكي باسافر و باهاجـر      

م الليل القاسـي .. للنـــــــــور

      *  *  *  *  *  *  *

ف عينيكي باودّع أحــزانــــي        

ف عينيكي.. بارجـــع أوطاني

ف عينيكي الأشـــواق تندهني       

وتاخدني لحُــبك ف ثوانــــــي

       *  *  *  *  *  *  *

ف عينيكي بارفــرف بجناحي       

ف عينيكي فــجرى وصـباحي

ف عينيكي .. حبي مابيـنامشي      

وانا باســـهر ويّاه صــــــبّاحي

       *  *  *  *  *  *  *

ف عينيكي الشــــعر بيحتـــــار        

ف عينيكي ربيــــــع الأزهــــار

ف عينيكي باعيش وسط الجــنة       

والجنة  .. دى ف حُبـــــــك نـار

  *  *  *  جمال البيلي *  *  * 

ـــــــــــــــــــــــــــــــــــــــــــــــــــــــــــــــــــــــــــــــــــــــ

               (2)مجنون بيكي

مجنون يا حبيبتي بهواكـــــي     

            مجنون ياحبيبتي انا مجنــــــــون

من أول ماانا شفـــت معاكـــى      

           ألوان من حُبــك .. وفنــــــون (1)

دي البسمة .. ساعة ماالقاكي     

           بتفرّح قلبـــي .. و الكـــــــون (2)

والنظرة .. لو اكون وياكــى     

           بتاخدني لسحرِك مفتـــــــــون (3)

والكلمة ف صوتك معناهــــا     

            إن أنا باسمــــــــــــع لك مــــــوال

وان كان ف سكوتك بالقاهــا      

           أشعار ف الحب بتــــــــــنقــال(4)

وان شفت خدودك ومعاهــــا     

          الضحكة بادوب كده ف الحــال(5)

إكمن شفايفك واخداهــــــــــا     

          ف بحور لجمــال ويّا جمــــــال(6)

أنا عاشق يا حياتي جمالِـــك    

          وباشوف ألـــــــوانه .. باحـــــــتار

لو فيه ف الكون من أمــثالِك  

          كان يبقي بســـــتان أزهـــــــار(7)

دي الدنيا .. حالها من حالِـك  

           واللـــــيل وياكي بقي نـْهــــــــــار

وانا باحلم دايماً ف وِصالِــك  

            أشـــــرب من حُبك أنهـــــــار(8)

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) شفت : رأيت . معاكي : معك.(2) ألقاكي : أقابلك .

(3) وياكي : معكِ . تاخدني : تأخذني . مفتون : مبهور.

(4) ألقاها : أجدها . بتنقال : تـُقال .

(5) بادوب : أذوب . كده : هكذا . (6) إكمن : لأن .

(7) يبقي : يصبح .

(8) دايماً : دائماً . والوِصال : الإستمرار في الحب .

ـــــــــــــــــــــــــــــــــــــــــــــــــــــــــــــــــــــــــــــــــــــــ

       (3)حــــاول تبتــــسم

إضحك وإرمي الدنيا البحــــر       

وارمي معاها هموم الدهــــــــــر(1)

غنى ودوس ع الجرح وألمه وْ       

نام ع الشوك مرتاح الضـــــــهر(2)

وإتعوّد أحوال الدنيـــــــــــــــا        

ماهي دايماً تلعب بالزهــــــــــــر(3)

لها يوم بيفوت زى دقيقــــــــة        

أو يوم بيفوت زي الشهـــــــــــر(4)

إضحك وارمي الدنيا البــــــحر

       *  *  *  *  *  *  *  *

لو عشت بتشـكي ف أحزانــك        

وإسودت ف عينـــــــــــــــــيك الدنيا

وان طالت يوم بيك أشــــجانك        

وربيعك ده شفتـــــــــــه ف يونية(5)

إضحك علي قسوة حرمـــــانك        

علشان الدنيا .. دى .. فانيـــــــة(6)

وإكتب للفرحة .. عــــــــنوانك        

ومسـيرها ف يوم تيجي ف ثانـية(7)

إضحك وإرمي الدنــــــيا البحر

       *  *  *  *  *  *  *  *

طول عمرك تفــــضل تتمنــــي     

إن أمالك تبـــــــقي حقيــــــــــــقة(8)

وتقضّي حــــياتك تستنــــــــــّي     

وتدوّر علي ألــف طريقـــــــة(9)
إنه يجيــــلك يوم تتهنــــــــــــّي     

حتي و لو ف العمــــر دقيــــــقة(10)

لكن الصـــــبر جزاؤه الجــــــنة      

لما حــــــــياتك تبقي حريقـــــــة(11)

إضـــــــحك وإرمي الدنيا البحر

       *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                 

(1) معاها : معها.الدهر: الزمن.(2) دوس ع الجرح: المراد لاتهتم به . مرتاح : مستريح . الضهر: الظهر .

 (3) دايماً: دائماً . الزهر : النرد . (4) بيفوت : يمر . زى : مثل .(5) بيك:بك. أشجانك : أحزانك .شفته : رأيته .

(6) علشان : لأن . (7) مسيرها ف يوم تيجي : أي ستأتي ف يوم ما .(8) تفضل : تظل .(9) تستني : تنتظر. تدوّر : تبحث .(10) يجيلك: يأتيك .(11) تبقي حريقة : المراد تصبح جحيم .

ـــــــــــــــــــــــــــــــــــــــــــــــــــــــــــــــــــــــــــــــــــــــ

          (4)دخــــلت قلــــبي

دقــّيت علي باب قلبي برِمشـك        

      وفتحته بشــوقي لغرامــَــك(1)

والحب كتب إسمي وإســمـــــَك        

     علي قصر ف جنة أحـــلامـــــَك

وبقينا أسـعد عشــــــــــــــــــاق        

     وملينا .. دنيـــــــــــتنا وفاء(2)

     وسقيـــــــــتني بفرحـــــة أيامَك

دقيت علي باب قلــــبي برِمشـك         

     وفتحته بشـوقي لغرامـــَـــــــــك

       *  *  *  *  *  *  *  *

عشت العمر أتمـــني عـــــيونك           

     تسحر قلبي بأجـــمل نظــــــــرة

والقلب حلف لك ح يــــصــونـَك          

     لما يقابل قلـــــــــــبك بكــرة(3)

إيه راح تسوى حيـــاتي بدونـك          

     لو غاب عنـــى حتي سلامَك(4)

دقــّيت علي باب قلــبي برِمـشك          

      وفتحته بشـــــــــوقي لــغـرامَك

       *  *  *  *  *  *  *  * 

الحب جمع قلبــــــي و قلبـــــــك    

     لما عـــــــيونك ندهــــت ليّة(5)

واتمنــــــيت إني أكون جنبـــــَك    

    أفرح بيك و بتفــرح بـــــــيّة(6)

خلــّيت شــــــوقي يغني لحُــــبك    

    لما بيسمع هـــــــمس كلامَك(7)

دقيت علي باب قلـــــبي برِمشك    

    وفتحته بشــــوقي لغــــــــــرامَك

       *  *  *  *  *  *  *  * 
ـــــــــــــــــــــــــــــــــــــــــــــــــــــــــــــــــــــــــــــــــــــــ                   

(1)دقيت : طرقت . (2) بقينا : أصبحنا . ملينا : ملأنا .

(3) حلف لك : أقسم لك . بكرة : غداً . (4) إيه راح تسوى : ماذا تساوى؟  بدونك : من غيرك .

(5) ندهت ليّة : نادتني . (6) جنبك : بجوارك . بيك : بك . بية : بي .(7) خلـّيت : جعلت .

ـــــــــــــــــــــــــــــــــــــــــــــــــــــــــــــــــــــــــــــــــــــــ

      (5)غــــرامك .. مشــــكلة

مشكلتي ف حُبك دى عويـــصــــــة        

مع إني بحبَك بجنــــــــــون(1)

خلـّيتني قساوتك دي ف حــوســـــة        

وانا فاكرك طيــب و حنون(2)

واللي انا باحسبه ف الهوى موسي        

دايماً يطــــلع لي .. فرعون(3)

مشكلتي ف حُبك دي عويـــــــصــة        

مع إني بحبَك بجنـــــــــــــــون

      *  *  *  *  *  *  *

إديتك حُبــي و إخلاصـــــــــــــــــي        

و سقيتك م الشـــــوق أنهار(4)

ووهبتك روعة إحـــــــــــــــساسي        

وزرعت الهـوى ليك أزهار(5)

وانت جرحت ف أحلي عواطــــــف         

وصبحت شريك ليّة مخالف(6)

خلـّيت قلبي ف حُبـك خـايـــــــــــف        

وبيبكي ..علي عمر حــــــزين

مشكلتي ف حُبك دي عـويصــــــــة       

مع إني بحـــــــــــــــبك بجنون 

     *  *  *  *  *  *  *  *
ليه بالقسوة بتسقي حبيبــــــك           

اللي وهب لك أحــــــلي غــرام؟(7)

ليه يبقي جزائي .. تعذيــــــبك          

وافضل اتوه وســــــط الأوهام؟(8)

ده انت بتجرح قلـــــب شاريك          

حُبه .. بقي موش مالي عينيــك(9)

وبدال ما تفرّحنـــــــــي .. بيك          

بتسيبني ف حزني .. مسجون(10)

مشكلتي ف حُبك دي عويصـة         

مع إني بحبك بجنــــــــــــــــــــــون

      *  *  *  *  *  *  *  *

نِفسي أشوف الشوق ف عيونك          

بيواسي .. قلبي المـــــــشتاق(11)

باحلم مرة ياخدني حنينـــــــــك          

لبحور الهوى و الأشـــــــواق(12)

لو قلبك ما بقاش يشتـــــــاقني          

ولاّ نويت دايــماً تفارقنــــــــي(13)

ماتجيش ف الشــكوى تغرّقني          

وتعذب قـلبـي المـــــــــــسكين(14)

مشكلتي ف حُبك دي عويصــة          

مع إنـي بحـــــــــبك بجنــــــــــــون

      *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                    

(1) عويصة : معقدة . (2) خليتني : جعلتني . حوسة : ورطة . (3) اللي باحسبه : الذى أظنه . دايماً : دائماً  . يطلع لي : يبدو لي . (4) إديتك : أعطيتك .

(5) ليك : لك . (6) لية : لي .

(7) ليه : لماذا .(8) أفضل  : أظل . أتوه : أضل طريقي .

(9) بقي: أصبح .موش مالي : لا يملأ .

(10) بدال : بدلا من . بيك : بك . بتسيبني : تتركني .

(11) نِفسي : أتمني . أشوف : أرى .

(12) ياخدني : يأخذنى . (13) مابقاش : لم يعد . دايماً : دائماً . (14) ماتجيش : لا تأتي .

ـــــــــــــــــــــــــــــــــــــــــــــــــــــــــــــــــــــــــــــــــــــــ

      (6)الضـــــــمـــير

الضمير راح فيـــــن ياناس؟         

ليه نسيبه ف يوم يغيـب؟(1)

إندبـح صــــــــــوته خلاص؟          

وإنعــدم جوّه القلـــــوب؟(2)

ليه بقي .. موضة قـديمـــــة؟          

ليه مالوش دلوقتي قيمة؟(3) 
ليه صبح عيب م  الـعــيوب؟
الضمير راح فين يانــــــاس؟        

ليه نسيبه ف يوم يغيـــــــب؟

   *  *  *  *  *  *  *  *

الضـــــمير من يـوم ما غاب         

والحياة بينا عــــــــــــــــذاب

إختفــت كل المبــــــــــــــادئ         

مابقاش فيه حـــد صادق(4)

والشريف أصبح غريــب(5)

الضمير راح فيــــن ياناس ؟       

ليه نسيبه ف يوم يغيــــــب ؟

   *  *  *  *  *  *  *  *

الضمــير من يوم ما ضــــاع     

إنتــــــــــــشر بينا الخـــــداع

وإختفي صوت الفضـــيلـــــة     

طول ما فيه مليون وســـيلـة

تخطف المال م الجــيـــــــوب

الضمير راح فيـــن يانـــاس؟    

ليه نسيـــبه ف يوم يغيــــب؟

    *  *  *  *  *  *  *

الضـــــمير أصبح خطيئــــــة     

لو كشـــف يوم الحقيقــــــــة

ولاّ قال مرة عـــيوبنـــــــــــا    

ولاّ قال إحـــنا كدبنـــــــا (6)

ولاّ قال يوم لينا عـــــيب (7)

الضمير راح فيـــن يانـــاس؟    

ليه نسيبه ف يـــوم يغيــــب؟

   *  *  *  *  *  *  *  * 
ـــــــــــــــــــــــــــــــــــــــــــــــــــــــــــــــــــــــــــــــــــــــ                

(1) راح فين : أين ذهب ؟ نسيبه : نتركه .

(2) إندبح : ذبُح . خلاص : تماماً . جوّه : داخل .

(3) ليه بقي : لماذا أصبح . مالوش : ليس له . دلوقتي : حالياً .(4) مابقاش : لم يعد . حد : أحد .

(5) الشريف  :  المراد مَن عنده ضمير .

(6)  إحنا  :  نحن . (7) لينا : لنا .

ـــــــــــــــــــــــــــــــــــــــــــــــــــــــــــــــــــــــــــــــــــــــ

     (7)حاول تبعد عنى*

حاول مرة تغيب عليـــــــّـا       

وتسيبني ..من غير مناسبة(1)

حُبي .. ليك ح يزيد شويـة        

إبعد حبة تزيــد محبــــــــــة(2)

حاول مرة تغيب عليـــّـــــا       

وتسيبني ..من غير مناسبــــــة

     *  *  *  *  *  *  *

أجمل شئ ف هواك غيابَك       

بيخلـّيني أشـتاق وجـــــودَك(3)

 ويخلــّيني اعمل حسابــَـك       

واحفظ لك دايماً عهـــــودك(4)

وأجيلك و ف قلبي لهفــــة       

وافضل طول العــمر حالفـة(5)

إن قلوبنا تعيش أحبــــــــة

حاول مرة تغيـــــــب عليـــّــــــا       

وتسيبني..من غير مناسبة

     *  *  *  *  *  *  *

بُعدك بيجــــــــدد حنينــــــــــــى     

ويصحّي لي ف قلبي شوقى

ويخلــّيك في يوم تجــــــينــــــي    

وتحس بحُبي الحقيقـــي(6)

اللي ف بُعدك كان بـــــــيكبـــــر    

ويخلــّي ..أشواقي تظهر(7)

وتدوّبنـــــي .. حبـــّة حـبــّة(8)

حاول مرة تغيـب عليـــّــــــا    

وتسيبني .. من غـير مـناسـبــة

    *  *  *  *  *  *  *  * 
ـــــــــــــــــــــــــــــــــــــــــــــــــــــــــــــــــــــــــــــــــــــــ                           

* هذه الأغنية صاغها الشاعر علي لسان مطربة .

(1) تسيبني : تتركني .(2) ليك : لك . شوية : قليلاً . حبّة :  قليلاً . والشطر الثاني للبيت مثل شعبي مصري .

(3) بيخليني : يجعلني .(4) دايماً : دائماً . (5) أجيلك : أحضر إليك . أفضل : أظل . حالفة : مُقسِمة بالله .

(6) تجيني : تأتيني . (7) اللي : الذي .

(8) تدوّبنى : تـُذيبني  . حبّة حبّة : شيئاً فشيئاً .

ـــــــــــــــــــــــــــــــــــــــــــــــــــــــــــــــــــــــــــــــــــــــ

      (8)أعــــــذريـــنى

أعذريني لو جرحتِــــــــــك  

مات خلاص حُبي و حـنيني(1)

خدت إيه لما عشقتِـــــــــك؟     

ماانتِ كنتِ بتجرحينـــــــــى(2)

عشت طول العمر اصـونِـك     

وامحي دمعـِك من عيونـِــــــــك

كان ساعتها فين حنينِـــــك؟     

كنتِ عايشة بتخدعينــــــــى(3)

أعذرينى لو جـرحتِــــــــــك     

مات خلاص حُبي و حنينــــــــي

      *  *  *  *  *  *  *

قلبي خد إيه من غرامُـــــه؟     

غير دموعُه أو ألامُـــــــــــــــــه

عاش بيسقيكي الحنـــــــان     

وانتِ بتبيعي اللي كـــــــــان(4)

كان بيحلم بالأمــــــــــــــان     

والوفاء بينِك و بينـــــــــــــــــى

أعذريني لو جرحتِــــــــــك     

مات خلاص حُبي و حنينــــــــي

      *  *  *  *  *  *  *

ليه بتشكي بُعدى عنِــــــك      

وانتِ بيعتي قـُربـي منِـــــــــك؟

ده انتِ خـُنتي عهد حُبــِـك       

لما كان الحـب جنبـِـــــــــك(5)

النهارده الشوق ف قلبــِـك       

مايساويش دمـعة ف عيني(6)

أعذريني لو جرحتـِــــــــك       

مات خلاص حُبي و حــنينـــــي

   *  *  *  *  *  *  *  *

بعد جرح القلب إيــــــــــه      

غير دموع تبكي عليــــــــه(7)

ده الألم عشته معاكــــــي     

والندم شفته ف هواكــــــي(8)

والحنين عندي نســاكــي     

موش ح يرجع يوم يجـيني(9)

أعذريني لو جرحتـِـــــــك     

مات خلاص حُبي و حنينــــــي

   *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                   

(1) خلاص : تماماً .(2) خدت إيه : ماذا أخذت .

(3) فين : أين .(4) اللي كان : ما مضي بيننا. 

(5) جنبـِك : بجوارِك . (6) النهارده : اليوم . مايساويش : لا يساوى .

(7) إيه : ماذا . (8) شفته : رأيته .

(9) موش ح يرجع : لن يعود . يجيني : يأتيني .

ـــــــــــــــــــــــــــــــــــــــــــــــــــــــــــــــــــــــــــــــــــــــ

        (9)الأمـــــــــية

الأمـــــيـــة .. الأميــــــّــــــــة  

أخطر أمراضنا العـــصـــريــة

خلــّت مصر ماتـــــتقدمشــــى 

والعالم حواليـــها بيمشـي(1)

ف العلم بسـرعة صـــاروخية

الأمـــــــيــــــة .. الأميــّــــــــة   

أخطر أمراضنا العصريـــــــــة

 *    *    *    *    *    *

الأمية ف شعـــــب بلدنــــــــــا        

صبحت عندنا بالملاييـــــــــــن

والعلم اللي بنوه أجـــدادنـــــــا        

ضاع ف حياة المصــريين (2)

وإتعلمه غيرنا .. وسبـقنــــــــا       

واحنا ف بحر الجهـل غرقنا(3

وملينا الدنيا .. رجعيـــــــــــــة

الأميــــّـــة .. الأمــيــــــّـــــــــة      

أخطر أمراضنا العصريــــــــــة  

   *  *  *  *  *  *  *  *
الأميّة ف عُرف الغـــــــــــــرب    

عند اللي مايعرفش الحاسب(4)

واحنا يادوب جدول .. الضــرب    

أكتر حاجة عليها بنحاســـب(5)

وإتأخرنا ف كـــل مجـــــــــــــال    

علشان جهـلنا موش ع البال(6)

وحياتنا مهازل كوميديــــــــــــة

الأميـــــّـة .. الأمـــيــــّـــــــــــــة     

أخطر أمراضــــنا العصـــــــرية

    *  *  *  *  *  *  *  *

الأمية .. طول ماهــي فيـــــــــنا     

غيرنا ح يفضل يستعبـــــدنا(7)

والعالم راح يلعــــــــــــــب بيـنا     

ويلِم ف خير أرض بلــــدنــا(8)

وح يهزم دايماً إرادتنــــــــــــــا     

ويأخر صحوة حضــــارتــنا(9)

و يحطم فينا الحــــــــــــــــــرية

الأمـــــــــــــية .. الأميـــــــــــّـة    

أخطر أمراضـــــــنا العــــصرية

    *  *  *  *  *  *  *  *

الأمية دي مرض الفاشـــــــــــل      

اللي يعيش عالة..ع الغـير(10)

ويفرّط ف حياته بالساهــــــــــل      

إكمنه مافيش عنده ضمـير(11)

ده الإنسان من غير العــــــــــلم       

يبقي ف ذل و يأس و ظـــــــلــم

ويعيش ف تـعاسة .. أبديــــــــة

الأمـــــــــــية .. الأمـــــــــــــــية   

أخطر أمراضــــنا العـــــــصرية

     *  *  *  *  *  *  *

الأمية دي لسّة ف مــــــــــصـر      

والعالم طلع المـــــــريـخ؟(12)

الأمية دي بينا ف عـصـــــــــــر      

علمه بيسبق ف التاريـخ؟(13)

إزاى بقي عايزيــن نتقــــــــــدم      

والشعب ده عمره ما اتعـلم؟(14

وبلادنا ف أزمة .. عـــــــلمـية؟

الأميـــــــــــــة .. الأمــــــــــــيـّة       

أخطر أمراضــنا العصــــــــــرية

    *  *  *  *  *  *  *  *

الأمية دى عنــــــــدنا عـــــــــار     

موش ح يزول غير بالتعلـيم(15

لازم نبقــــــــي عليــــــــها ثوّار     

ونغير كل المفـــــــــــاهــيم(16)

علشان يبقي العلم هدفـــــــنـــــا     

ونخــّلي بلدنا تـــــــــشرّفنا(17)

وتجاري حضــــــــارة البـشريـة

الأمــــــــيــة .. الأمـــــــــيـــــــة      

أخطر أمراضـــــنا العصـــــــرية

    *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ               

(1) خلت : جعلت . ماتتقدمشي : لا تتقدم . حواليها : حولها . (2) اللي : الذي . (3) إحنا : نحن.

(4) اللي مايعرفش : الذي لا يعرف . (5) إحنا يادوب : نحن فقط . أكتر حاجة : أكثر شئ .

(6)علشان : لأن . موش ع البال : المراد لا يشغلنا .

(7) يفضل : يظل .(8) راح يلعب بينا :  سوف يتلاعب بنا . يلم : يجمع .  (9) دايماً : دائماً .

(10) اللي يعيش عالة : الذي يشكل عبء ويتطفل .

(11) بالساهل : بسهولة . إكمنه : لانه . مافيش : لايوجد .

(12)  لسة : مازالت . (13) بينا : بيننا .

(14) إزاى بقي : كيف . عايزين : نريد .

(15) موش ح يزول : لن يُمحى . (16) لازم : يجب . نبقي : نصبح .(17) علشان : لكي . نخلــّي : نجعل .

ـــــــــــــــــــــــــــــــــــــــــــــــــــــــــــــــــــــــــــــــــــــــ

  (10)حـــبـِك مكتــوب لي

مكتوبة أحبـِــــــــــك مكتــوبة 

مكتوب لي إنك تِبقي حبيــــبة

من سحر جمالِك طـــار عقـلي   

ولقيت الحــــــب بيـندهلي(1)

ويغرّق قلبي ف غيبــــــــــوبة

مكتوبة أحبـِك مكتـــــــــــــوبة

       *  *  *  *  *  *

من قبلِك عاش قلبي ف عُزلـة

وحياتي..كت..غربة شاملة(2)

دلوقتي صـــــــبحتي .. دنيـايـا     

ودخلتِ بحُبـــــــــك جوّايـا (3)

من يوم ما لقيتـــــــــــِك ويّايــا      

مليانة حنية و طيــــــــــبـة(4)

مكـتوبة أحبـِك مكتـــــــــــــوبة

     *  *  *  *  *  *  *

إسمِك فوق قلـبي منقـــــــــوش    

من قبل ما قلــــــبي ده يعيـــش

كات صورتِك عايشة ف عيونى    

من قبل ما يبـــــــدأ تكويـنــــــي

كان دايماً بيقول لي حنيـــــــنـي   

إنك ح تكوني المحــــــبوبة (5)

مكتوبة أحبـــــــــــــِك مكــــتوبة

      *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) لقيت : وجدت . بيندهلي : يناديني .

(2) كت : كانت .

(3) دلوقتي : الآن . جوّايا : داخلي .

(4)  لقيتك : وجدتك . ويايا : معي . مليانة : ممتلئة .

(5)دايماً  : دائماً  .

ـــــــــــــــــــــــــــــــــــــــــــــــــــــــــــــــــــــــــــــــــــــــ

              (11)أمـــــرَك غريــــــب!!

تحلف لي قلبي يصدقك     واشوف غرامَك أتعــجـب(1)

هوّه اللي قلبه بيعشـــقك   لازم ف حُبك يتعـــــذب؟!(2)

تحلف لي قلبي يصدقك     واشــوف غرامَك أتعجـــــــب

                *  *  *  *  *  *  *  *

غـُلبت أقول حيرتــــني     خايف أعيش بين أوهامَـك(3

لو كنت يوم ريّحتنــــي     كنت أفضل أعشق أيامَــك(4)

قلبك يقول بتحبنـــــــي     واشوف عيونــــــــــك بتـكدّب

تحلف لي قلبي يصدقك     واشـوف غرامَك أتعجــــــــب

                 *  *  *  *  *  *  *  *

حُبك صحيح ليّة إنكتـب      لكن غرامَـــــك توّهــني(5)

نِفسي تقول إيه السبـب      بدال ما وهمك يجرحني(6)

قلبك ده أعجب م العجب     ف البُعد إنــت ح تتســـــبب

تحلف لي قلبي يصـدقك      وأشوف غرامَك أتعـــــجـب

                 *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) تحلف لي : تقسم لي .أشوف : أرى .والبيت مأخوذ عن مثل شعبي مصري .

(2) هوه : هو . اللي : الذي .لازم : لابد .

(3) غـُلبت : تعبت وإحترت .

(4) ريّحتني : أرحتني . أفضل : أظل .

(5) لية : لي . توّهني : ضللني .

(6) نِفسي : أتمني . إيه : ما هو . بدال : بدلاً من .

ـــــــــــــــــــــــــــــــــــــــــــــــــــــــــــــــــــــــــــــــــــــــ

     (12)حكــايتى مع ســنية

جارتي سنية بنت شقيـــــــــــة       

كت ح تلبّسـني ف قضــــــــــية(1)

قابلتني .. مرة .. ف الشـــارع       

بالليل ف حارتها المخـــــــــــــفـية

         *      *      *

طلبت مني ســــــــنية (بوسة)      

أنا قلت لها يادى الحوســـــــة!(2)

موش عيب يا سنية إني أبوسِك      

هوّه احنا عريس ويّا عروســة(3)

          *      *      *

لا يا ستي بقي ده إسمــه كلام؟       

البوسة كده هوّه حــــــــــــرام(4)

لو شافنا .. حد يقــــــــول إيه ؟       

بُصّي بعينيـــــــــــكي .. قـــدام(5)

          *      *      *

ف السِكة .. أهو جي شاويــش        

بيقرّب مننا بشــــــــــــــــويش(6)

جي معاه عسكرى بشريـــــطة        

لو شافنا ح يُنفش ف الريـــش(7)

          *      *      *

ويقول لنا جايـــين هنا ليـــــــــــه؟        

وبتعملوا وحديكــــــم إيه؟(8)

ف الضلمة .. ليه كده واقفيــــــن؟        

مين بقي فينا يرد علـــيه؟(9)

          *      *      *

لأ يا اختي خدي مــــني ســــــــلام         

موش عايزِك تجيبي لي كلام(10

وسيبــيني أروّح مرتــــــــــــــــاح        

دلوقتي موش وقت غرام(11)

          *      *      *

وف لحظة لقيتها .. بتصـــــوّت        

والناس حوالينا بتتحـــــوّط (12)

وتقول لي أه يادون أه يا سـافل       

ح انده لك حسونة و صفوت(13)

          *     *      *

وف ثانية لقيت حاجة فوق راسي        

الظاهر عصيان و كراسي(14)

مالحقتش أدافع عن نفــــــــــــسي        

مااقدرتش آخد أنفاســــي(15)

          *     *      *

لكن جالي شاويــــــــــش الشرطة          

ولحقني..في عز الورطة (16)

هوّه .. والعســــــــــكرى مِسكوهم         

وخدونا .. كلنا للنقــــــطة(17)

         *      *      *

وسنية هناك قالـــــــــــــــــت هوّه          

ولا يعرف مرجلة و مرُوة(18)

جالي ف الضلمة وقال هاتي بوسة        

أنا مااعرفش الراجل دوه(19)

          *      *      *

أما انا قلت هنــــــــــــاك دى سنية         

ف الحتة .. ساكنة جنبيـة(20)

يعني جيران من نفـــــــس الشارع         

ليه بقي تعمل كل ده فيّة؟!(21)

          *      *      *

ولا قلت لها أنا عايز أبوسِــــــــــك         

ولا قلت لها هاتي فلوسِك(22)

ولا حتي كمان أنا قلـــــــــــــت لها         

إن شاالله عربية تدوســِك(23)

          *      *      *

يعني .. بالعربي أنا مظـــلوم       

هيّة .. اللي عليــــــها اللــوم(24) 

طلبت مني أبوســــها هــناك       

والناس ضربوني .. بالشوم (25)

          *      *      *

والظابط سمع اللي شافوني       

ومعاهم .. إللي .. ضربونــي(26)

قالوا ماشوفناش حاجة منه      

هيّة .. كت بتـقول نجّـــــوني(27)

          *      *      *

علشان كده إحنا ضربنـــاه        

خلــّينا .. وشــه .. ف قفــــاه(28)

لو نعرف إنه .. مظـــــلوم       

كنا لوحديــنا .. سيــــــــبناه (29)

          *      *      *

شاف حكايتنا الظـــابط قال       

أما صحيح ده لعـــب عيـــال (30)

تعملوا عركة ف عز الليل؟      

فاكرين نفســيكم أبطــــــــال؟(31)

          *      *      *

المفروض إني ..أحبسـكوا       

وقضية كبـــيرة تلبـــــــسكوا(32)

لكن لو إنتوا إتصــــــالحتم       

ح تروّحوا دلوقتي.. بيوتكوا(33)

          *      *      *

صالحتني سنية ف ساعتها       

ومعاها كمان أهل حارتهــــا(34)

ومشينا .. م القسم حبـــايب       

وخدوني معاها لحتــــــــتـها(35)

         *      *      *

وهناك ربطوا دماغي بشاش       

وجابولي .. دكتــور بــبلاش(36)

وسابوني أروّح ف ســــــلام       

بعد ما بان مين البكـــــــاش(37)

          *      *      *

روّحت البيت وانا مخضوض       

متكسّر جسمي و مـــــهدود(38)

بلعن ف الستــــــــات وباقول      

كيدهم مالهوش أى حـــدود(39)

          *      *      *

ـــــــــــــــــــــــــــــــــــــــــــــــــــــــــــــــــــــــــــــــــــــــ                                          

(1) كت : كانت . (2) بوسة : قــُبلة . يادى الحوسة : ما هذه الورطة؟ (3) موش عيب : أليس عيباً ؟ أبوسِك : أقبلـك . هوه احنا : هل نحن . ويا : مع . (4) ستي : سيدتي . كده هوه : هكذا.

(5) شافنا : رأنا . حد : أحد . يقول إيه : ماذا سيقول ؟ بصي : أنظرى . قدام : للأمام . (6) ف السكة : في الطريق . أهو : ها هو . جي : قادم . شاويش : شرطى . بشويش : ببطئ . (7) معاه : معه . ينفش الريش : يتعالي علينا .

(8) جايين هنا ليه : لماذا جئتم هنا ؟   بتعملوا وحديكم إيه : ماذا تفعلوا وحدكم . (9) الضلمة: الظلام .مين : مَن .

(10) موش عايزك : لا أريدك . تجيبي لي كلام : تسببي لي مشكلة . (11) سيبيني : أتركيني .أروّح  : أرجع لمنزلي . مرتاح : مستريح . دلوقتي : الآن . موش وقت : ليس وقت .(12) بتصوّت : تصرخ .

تتحوّط : تحيط بنا . (13) يادون : يا حقير . ح انده لك  : سأنادي لك .(14) حاجة : شئ . راسي : رأسي .

(15) مالحقتش : لم ألحق . مااقدرتش : لم أقدر . آخد : آخذ .(16) جالي : أتاني . في عز : في شدة  . (17) هوه : هو . مسكوهم : أمسكوا بهم . خدونا : أخذونا.

والنقطة : المراد قسم الشرطة . (18) مرجلة : رجولة . مروّة : مروءة . (19) هاتي:إعطني.مااعرفشي:لا أعرف.  الراجل دوّه : هذا الرجل . (20) الحتة : المنطقة . ساكنة : تسكن .جنبية : بجانبي . (21) ليه بقي : لماذا؟

(22) عايز : أريد . فلوسك : مالك . (23) كمان : أيضاً . عربية : سيارة . تدوسك : تدهسك وتقتلك .(24) هيّه : هى . اللي : التي . (25) الشوم : العصيان .

(26) الظابط : الضابط . شافوني : رأونى .

 معاهم : معهم . اللي : اللذين . (27) ماشوفناش : لم نر . حاجة : شئ . كت : كانت . نجوني:إنقذوني .(28) علشان كده : لهذا . إحنا : نحن . خلينا : جعلنا . وشه : وجهه .

(29) لوحدينا : وحدنا .سيبناه : تركناه .

(30) شاف : رأى . عيال : أطفال . (31) عركة : مشاجرة . فاكرين نفسيكم : تظنون أنفسكم .

(32) قضية تلبسكوا : أي تتلبسون بها . (33) إنتوا : أنتم . ح تروّحوا دلوقتي بيوتكوا :ستعودون الآن إلي منازلكم .(34) معاها : معها . كمان : أيضاً . حارتها : مكان سكنها . (35) حتتها : المنطقة التي تسكن فيها .

(36) دماغي : رأسي . والشاش : رباط الجرح .جابولي: أتوني. ببلاش : مجاناً . (37) سابوني : تركوني . بان : ظهر .مين البكاش : مَن الكذاب .(38) مخضوض : منزعج .مهدود :محطم .(39) بلعن : أصب لعنتي . الستات : النساء . مالهوش : ليس له .

  ـــــــــــــــــــــــــــــــــــــــــــــــــــــــــــــــــــــــــــــــــــــــ

             (13)الحـــــب حظـــــوظ

    الحب حـــظـوظ       و القـــــلب يفــوز

    لوكان محظـوظ       بأعز حبــــــــــيب

    من يوم ما لقاك       قلبي بيــهواك(1)

    ولقيــــــت ويّاك      الفرح قـَريــب(2)

الحب حظوظ    والقلب يفوز    لو كان محظوظ

                     بأعز حبيب

             *  *  *  *  *  *  *  *

    إنت المحـــبوب       خلــّيتني بادوب(3)

    وانت المكــتوب       ف الحــب نصـــيب

    قلبــــــك مفتوح       بيــــــداوى جروح

    ردت لـي الروح       وبقيت لي طبـيــب

الحب حظوظ     والقلب يفوز   لو كان محظوظ

                      بأعز حبيب

              *  *  *  *  *  *  *  *

    قلبي إشـتاق ليك    عاش يــحلم بيك(4)

    وكفاية عينيـــــك    لها سحر غريب(5)

    غاب عني النــوم    ضيـــــــــعت هموم

    لو تبـــــــــعد يوم    أنا قلبي يشيــــــــب

الحب حظـــــوظ  والقلب يفوز  لو كان محظوظ

                      بأعز حبيب

             *  *  *  *  *  *  *  *

    حُبك بســــــــتان    من شوق وحــــنان

    خلـّي الأحـــــزان   عن قلــبي تغيــــــب

    كــل الأحــــــــلام    ندهتنـــي قــوام(6)

    كــــــــــــل الأيام     لها طــعم عجيــــب

الحـــب حظوظ  والقلب يفوز   لو كان محـظوظ

                     بأعز حبيب

            *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ           

(1) لقاك : قابلك . (2) لقيت : وجدت . وياك : معك .

(3) خليتني : جعلتني . بادوب : أذوب .

(4)ليك : لك . بيك : بك . (5) كفاية : يكفيني .

(6) ندهتني : نادتني . قوام : بسرعة .

ــــــــــــــــــــــــــــــــــــــــــــــــــــــــــــــــــــــــــــــــــــــ

      (14)لحـظة وداع

بعد فـُرقة وطـــــول خصـام   

إتقابلنا .. من جــــــــــــــديد

العيــون ما فهـــــاش كــــلام      

والحنين بينهـم بعــــــيد (1)

والوجوه مليــــــانة غــــربـة 

والقلوب مافهاش محـبـة(2)

والعتاب مــــــوش راح يفــيد

بعد فـُرقة وطـــــول خــصــام    

إتقــــابلنا .. من جـــــــــــــديد

   *  *  *  *  *  *  *  *

العـــيون كان فيــــها نظـــــرة   

كات بتســأل ع اللي فـــات(3)

كات بتـــوصف شــــكوى مُرة   

للـنـــدم ع الذكــــــــــــــــريات

كان سؤال مــــعروف جـــوابه 

مين بقي هوّه اللي خـــان؟(4)

إنتهـــى وقتــــه وحســـــــــابه  

كان خلاص فـــــات الأوان(5)

والعتاب مـــــــوش راح يفـــيد

بعد فـُرقة و طـــول خـــــــصام     

إتــتقابلــنا .. من جـــــــــــــديد

    *  *  *  *  *  *  *  *

موش ح أقول لِك ليه تبيــــعي  

ليه تخوني قلب صـــــــانِك(6)

موش ح أقول لِك بين ضلوعي

قلب عمره ف يوم ما خــــــانِك

مستحيل الحب يرجـــــــــــــــع   

ضاع ما بيـــنا كل شــــــــــئ

شمسنا .. دى موش ح تطـلع   

وإتقفل بيــنا الطـــــــريق(7) 

والعـــــــتاب موش راح يفيد

بعد فــُرقة وطول خصـــــــام   

إتقابلنا .. من جـــــــــــــديـــد

   *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ   

(1) مافهاش : لا يوجد فيها . (2) مليانة : ممتلئة .

(3) كت : كانت . اللي فات : ما مضي بيننا .

(4) مين : مَن . هوه : هو . اللي : الذى .

(5)خلاص : تماماً.(6) موش ح أقول لك : لن أقول لكِ . ليه : لماذا.(7) موش ح تطلع : لن تشرق من جديد . إتقفل : إنغلق .

ـــــــــــــــــــــــــــــــــــــــــــــــــــــــــــــــــــــــــــــــــــــــ        

       (15)البطــــــــالة

البطالة .. ف الزمان ده      

أصبحت أخـــــطر قضـــــــــــية

كل بيت فيه النـــهــارده      

مشكلتها المأســــــــــــــوية(1)

حطمت ياما ف عــزايــم      

سببــتت كل الجـــــــــــــرايم(2)

كل يوم ليها ضـــــــــحية

البطالة .. ف الزمــان ده     

أصبحت أخـــــطر قضــــــــــــية

     *  *  *  *  *  *  *

ياما فيه مِتعلميـــــــــــــن    

راحوا أحســن كـُليــــــــــات(3)

أصبحوا ف يوم عطلانين    

يقـْضوا ف القهوة السـاعات(4)

عاشوا أيامهم ف ورطــة    

شافوا تعليمهم ده غلـــطــة (5)

كل يوم تكبر شـــــوية(6) 

البطــــالة .. ف الزمان ده    

أصبحت أخــــطر قضيـــــــــــــة

    *  *  *  *  *  *  *  *
خصخصة شغل المصـانع     

زوّدت أهل البــــــــــــــــــــطالة

شردت ناس ف الشـوارع     

قللت حجم العَمــــــــــــــــــــــالة

واللي كان شغـّال ف شركة    

لما سابها .. عاش ف ربكـة(7)

وإتحرم يوم م الماهيــة(8)

البطالة .. ف الزمـــــان ده     

أصبحت أخـطر قضـــــــــــــــية

   *  *  *  *  *  *  *  *

طول ما فيه ف الشغل أزمة     

الجريمـــــــــة .. راح تزيـد(9)

والحياة راح تبقي ظالـــــمة     

و التعاسة راح تســـــــود(10)

والفقير ده ف يوم ح يسرق     

لو ماكانش فْ قلبه مــبدأ(11)

راح يكون م البلطجـــــــــية

البــــــطالة .. ف الزمان ده     

أصبحت أخطر قضـــــــــــــــية

   *  *  *  *  *  *  *  *

التــــــقدم ف العلـــــــــــوم     

كان سبب نقص الوظايــــــــف

خلـّي شغل الآلـــــة يوم     

يسوى شغل الناس مضاعف(12

واللي كان عنده وظيـفة     

عاش بدون شـُغـــــــــلة شريفة

توهبه اللقمة الهنية(13

البطالة .. ف الزمان ده      

أصبحت أخطر قضــــــــــــــــية

    *  *  *  *  *  *  *  *

فيه بطالة شكــل تانــــي      

تبقي لابسة ف يوم قنـــاع(14)

ياما فيه مْوظــف أنانــي      

شـُغله مكتوب له الضيـــاع(15)

يبقي له دايماً مـــرتــــب      

و العمل ده .. منه يهـــرب(16)

والضمير عنده رزية(17

البطالة .. ف الزمــان ده      

أصبحت أخطر قضــــــــــــــــية

    *  *  *  *  *  *  *  *

البطالة .. شئ خطــــــير    

راح يطـــــوف كل البــلاد(18)

طول ما فيه سكان كتـــير    

كل ثانــية تـْجـــــــيب ولاد(19)

موش ح يلقي الشاب شـُغلة    

موش ح تبقي العيشة سهلة(20

م الزيادة الســـــــــكانية ..

البطالة .. ف الزمـــــان ده     

أصبحت أخــــطر قضــــــــــــية

    *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                             

(1) النهارده : اليوم . (2) ياما : كثيراً . عزايم : عزائم . جرايم : جرائم . (3) راحوا : ذهبوا .

(4) عطلانين : أي بلا عمل . القهوة : المقهى .

(5) غلطة : خطأ . (6) شوية : قليلاً .

(7) اللي كان شغّال : الذي كان يعمل . سابها : تركها . ربكة : إرتباك . (8) الماهية : المرتب .

(9) الشغل : العمل . راح تزيد : سوف تزيد .

(10) راح تبقي : ستكون . راح تسود : سوف تنتشر .

(11)  لو  ماكانش : لو لم يكن .

(12) خلي : جعل . يسوى : يساوى . (13)  اللقمة : المراد لقمة العيش . (14) تاني : آخر .

(15) ياما: كثيراً . شغله : عمله . (16) دايماً : دائماً .

(17) رزية : مصيبة .(18) راح يطوف : سيطوف .

 (19) كتير : كثيرون . تجيب : تلد . ولاد : أولاد .

 (20) يلقي : يجد . شغلة : وظيفة . موش ح تبقي : لن تصبح . العيشة : الحياة.

ـــــــــــــــــــــــــــــــــــــــــــــــــــــــــــــــــــــــــــــــــــــــ

    (16)مــــراية الحــب

علشان قلبي .. حبيـــــبك

ما باشوفشي .. فيك عيـوبَك(1)

وانسي .. طبعَك ف ثانية       

دي مراية الحـب عَمــــــية..(2)

ولقيتك دنيا تانيــــــــــــة        

بقي نِفسـي ف يوم أسيــــبَك(3)

علشان قلبي .. حبيــــبك        

ما باشـــــوفشي .. فيـك عيـوبَك

    *  *  *  *  *  *  *  *

إديتــلك كل خيـــــــــــري        

علي طول بصــــّيت لغــيري(4)

ونسيت يوم أحلي ذكـرى        

مع قـــــــــــصة حــــــــب نادرة

ضاعت لحظة هروبـَـــــك

علشان قلبي .. حبيبَــــــك        

ماباشوفشي .. فيك عيـــــــوبَك

    *  *  *  *  *  *  *  *

عشت أسقيك كاس حنانى      

وانت هويت حــــب تــــاني(5)

وغدرت بقلب صانـَـــــــك      

حُبه .. ياما عاش عشانـَك(6)

يشكي .. من نار لهيــبـَك

علشان قلبي .. حبيبـــــَك     

ما باشــوفشي .. فيك عــيوبَك

   *  *  *  *  *  *  *  *

جرّب بُعدَك ده عنــــــــي     

وح اســـــيبك يوم تخونـّي(7)

ومْسير قلـــــب اللي حَبّك     

يشكي .. من ظلم قلبــــــك(8)

ويكون غدره نصــــــيبـَك

علشان قلبي .. حبيــــــبك     

ما باشوفــــشي .. فيك عيوبَك

  *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                               

(1) علشان : لأن . ماباشوفشي : لا أري . (2) مراية : مرآة . عمية : عمياء . والشطر الثاني  للبيت مثل شعبي مصري . (3) لقيتك : وجدتك . تانية : أخرى . بقي نِفسي : أصبحت أتمني . أسيبك : أتركك . (4) إديتلك : أعطيتك . علي طول : بسرعة . بصّيت : نظرت .(5) تاني : آخر . (6) ياما : كثيراً . عشانك : من أجلك .

(7) تخونـّي : تخوننى .  (8) مسير : أي سيأتي يوم حتماً . اللي : الذي .

ـــــــــــــــــــــــــــــــــــــــــــــــــــــــــــــــــــــــــــــــــــــــ

         (17)أول رقـصـة

هو/ تفتــــكرى فيه حـــــد يصـــــدّق        

إن أنا وانتِ ف أول رقـــصة؟(1)

هي/ أنا عايشة ف حلم بيتحقـــــــــق        

أنا دلوقتي بحُبك حاسّــــــــــــة(2)

هو/ حاسس إني ف يوم حبيــــــــــتِك        

من قبل ما نتقابلوا هويتــــــــــــِك

هي/ حاسة معاك وانا باسمـع صوتـَك        

إننا كان كان لنا ف الهوي قصة(3

هو/ تفتكرى فيه حـد يصـــــــــــــــدّق        

إن أنا وانتِ ف أول رقصـــــــــة؟

        *  *  *  *  *  *  *

هو/ قلبي و قلبِك بينهم هـــــــــــــمس        

حاسة معايا بهمــــس قلوبنا؟(4)

هي/ أنا حاســة .. من كـُتر الرقـــــص         

إن الحب خلاص دوّبنـــــــــــا(5)

هو/ روحي وروحِك بقوا روح واحـدة         

هي/ قلبي أصبح نار مابتهدى(6)

هي/ كده من أول نظرة و لمـــسة (7)

هو/ تفتكري فيه حد يصـــــــــدّق          

إن انا وانتِ ف أول رقــــــــصــــــــة؟

         *  *  *  *  *  *  *  *

هي/ غمّض بقي دلوقتي عـــــــــيونك    

وتعالي نعيـــــش ف الأحــلام(8)

هو/ خلـّي حنــــــــيني ويّا حنـينــــِـــك   

يملا الدنيــا غرام ف غـــــرام(9)

هي/ أنا حاســــــــة بحُبك ده حقيقـــي   

هو/ الفرحة بترقص مع شـــوقي

هو/ والحب بيهمــس لنا همــــــــسة

   هو/ تفتكرى فيه حد يصـــــــدّق   

إن أنا وانــــتِ ف أول رقـــــــصــة ؟

        *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                

(1) تفتكرى : هل تظنى ؟ حد : أحد . (2) دلوقتي : الآن . (3) معاك : معك . (4) معايا : معي .

(5) خلاص : تماماً  .  دوّبنا : أذابنا .

(6) بقوا : صاروا . (7) كده : هكذا .

(8) غمّض : إغلِق . بقي : هيّا . تعالي : هيّا بنا .

(9) خلــّي : إجعلي . ويّا : مع . يملا : يملأ .

ـــــــــــــــــــــــــــــــــــــــــــــــــــــــــــــــــــــــــــــــــــــــ

             (18)الدنــــيا مآســــي

الدنيا مآســـــــــــي      والنـــــاس ف عــذاب

والزمن القاســــــي      حرق الإعــصــــــــاب

الدنيا مآســـــــــــي      و النــــــاس ف عذاب

              *  *  *  *  *  *  *

واحد مشكلـــــــــته      ف العيا علي طول(1)

بتسوء ياما حالتـــه      وعذابه يطـــــــول(2)

دوّخ فيه عيلـــــــته      ورّاهم الويـــــــــل(3)

واللي .. كان حيـلته      بقي كلـــــه سراب(4)

الدنيا مآســــــــــــي      والناس ف عـــــــذاب

              *  *  *  *  *  *  *

واحد مـن فقـــــــره       عايـــــــش محــــروم

مديون طول عــمره        دايـــماً مهمـــوم(5)

النـاس بتعــــــــايره        ويقــــول مــــــظلوم

واحتار فيه صـــبره        وحيـــــاته خـــــراب

الدنــيا مآســــــــــي        والناس ف عـــــذاب

              *  *  *  *  *  *  *

واحد ف الــــغربــة         دايـــماً مســــــجون

أحواله الصـــــعـبة         عاش فيـــها حــزين

موش لاقي محـــبة         ولا قلب حنـــون(6)

حلمه .. بقي كـدبـة         وســــط الأغـــــراب

الدنيـا مآســــــــــي         و الناس ف عـــذاب

               *  *  *  *  *  *  *

واحد ف غرامــــــه        يشكـــي المـــــحبوب

عايش ف ألامـــــــه       عمـــــره ف تعــــذيب

حبه و أحلامـــــــــه        مالهــمش نصيب(7)

وحبيب أيامـــــــــــه       كان يـــــــوم كـــــداب

الدنيا مآســــــــــــي        والناس ف عــــــذاب

                *  *  *  *  *  *  *

واحد م الوحــــــــدة        بيقاسـي كتيــــــر(8)

مالقاش يوم واحـدة        لها قلـب كبــــــير(9)

يوهــــــب له مــودة        أو أي شـــــــــــــعور

أصبح ف الحــال ده        مالهوش أحباب(10)

الدنيا مآســــــــــــي        والنـــاس ف عــذاب

                *  *  *  *  *  *  *

واحـد و مــــــــراته         دايماً ف خصام(11)

زرعــت له حيــــاته        يـوم بالألـــــــــــــغام

بقي يقـْضي ساعاته        يشــكي الأيـــام(12)

ويقول لأهـــــــــاته         أنا عيشتي هباب(13

الدنيا مآســـــــــــي         والنـاس ف عــــذاب

                *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ               

(1) العيا : المرض . علي طول : باستمرار . (2) ياما : كثيراً .(3) دوّخ : حيّر و عذب . عيلته : أسرته . ورّاهم : جعلهم يرون . (4) اللي كان حيلته : ما كان يملكه . بقي : أصبح .(5)  دايماً : دائماً .                  

(6) موش لاقي : لا يجد .

(7)  مالهمش : ليس لهم . (8) كتير : الكثير .

(9) مالقاش : لم يجد . (10) مالهوش : ليس  له .

(11) مراته : زوجته . دايماً : دائماً . (12) بقي : أصبح .(13) عيشتي : معيشتي . هباب : سوداء .

ـــــــــــــــــــــــــــــــــــــــــــــــــــــــــــــــــــــــــــــــــــــــ

     (19)الحــق علــيا أنــا

قول لي أخدت انا إيه من حُبك      

لما صبحت ف قلبك منـسي؟(1)

بيعت غرام كان ساكن قلبـَـــك      

ضيعت..لي ف الحب ده شمسـي

موش راح ألومك ولاّ أعاتــبَك      

أنا اللي جبت ده كله لنفــسي(2)

قول لي اخدت أنا إيه من حُبك      

لما صبحت ف قلبــــــَك منـسي؟

     *  *  *  *  *  *  *

عشت حياتي بطولها أوهب لَك      

أحلي غرام ف الدنيا بحـالها(3)

كنت باخلـّي الشوق يكتـــب لَك     

غنوة فؤادى كان بيـــــقولها(4)

كنت باقيد لَك قلبي ده شمــــعة      

صبح غرامي ده كله ..دمعة(5)

عمّالة تبكي لَك علي أمسي(6

قول لي أخدت أنا إيه من حُـــبك      

لما صبحت ف قلبك منــــــــسي؟

     *  *  *  *  *  *  *  *

ياما أنا كنت ف شوقي باقاسي    

وافضل أسامحَك كل ما تبــعد(7)

وانتَ ولا بترحم إحساســـــــي    

ولاّ مشاعري وتفضل تعنــــد(8)

بيعت حبيب عاش عمره يصدّق    

حلم جميل موش راح يتـحقق(9)

عاش ف خيالي و قلبي وحسّي

قوللي أخدت أنا إيه من حُبــــــــَك    

لما صبحت ف قلبك منـــــــــسي؟

      *  *  *  *  *  *  *  *

بعد ما بيعت الحــــــــــب الغالي    

موش راح ألوم غير بس وفائي(10

موش راح أعاتبك ع اللي جري لي    

لما أنا كنت عليك يوم باقي(11)

أنا اللي أستاهل نسيانـَـــــــــــــــــك     

لأن قلبي المخلص صانـَك(12)

لما سقيـــتني بدمعي ويأســـــــــي

قوللي أخدت انا إيه من حُــبـك     

لما صبحت ف قلبك منســــــــــي؟

     *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                    

(1) أخدت أنا إيه : ماذا أخذت؟ (2)موش راح ألومك : لن ألومك . اللي جبت : الذي أتيت بهذا .

(3) بحالها : كلها . (4) باخلي : باجعل . بيقولها : المراد يغنيها .(5) باقيد : أشعل .  (6) عمّالة تبكي : مازالت تبكي بشدة .(7) ياما : كثيراً . أفضل : أظل . (8) تعند : تصبح عنيداً . (9) موش راح يتحقق : لن يتحقق .(10) موش راح ألوم : لن ألوم . بس : فقط . (11) موش راح أعاتبك : لن أعاتبك . ع اللي : علي الذي .(12) اللي أستاهل : الذي أستحق .

ـــــــــــــــــــــــــــــــــــــــــــــــــــــــــــــــــــــــــــــــــــــــ

       (20)بســـــــمـــة

ياحلاوة البسمة ف شفايفِك      

بتطيـّر قلبــي .. م الفرحــــــــة

الجنة باشوفها وانا شايفِك      

مبتسمة.. وعيونِـك سارحة(1)

      *     *     *     *

أنا مهما تورّينــي الدنيــــا       

أحزان وهموم بتبكـــــينـي (2)

يتبدل حالي و ف ثانيـــــــة      

البسمة.. بالفرحة تجيــــني (3)

     *     *     *     *

من يوم ما قابلِتك والبسـمة      

بتداوي عذابي و جــــــــروحــي

علي قلبي أرق من النســمة      

وجمالها .. بيرُد ف روحـــــــــي

      *     *     *     *

أنا من بسمة غرقت فْ حُبك       

أول مرة عينية شــافوكـــــي(4)

دوبت معاها ف رِقة قلبـــــِك      

وعينية وقلبي .. حبــــــّوكـي(5)

      *     *     *     *

دوّقتيني الفرح وكـــــــــــنتي      

أجمل زهرة شافتها عينـــــية(6)

بكرة أنا ح اسقيكي يا حبيبتي       

أفــــــــــــراح الدنيا .. بإيديـة(7)

       *     *     *     *

ـــــــــــــــــــــــــــــــــــــــــــــــــــــــــــــــــــــــــــــــــــــــ                

(1) وانا شايفك : وأنا أراكِ .سارحة :هائمة في الحب .

(2) تورّيني : تـُريني . (3) تجيني : تأتيني .

(4) شافوكي:رأوكي.(5) دوبت : ذوبت . معاها : معها . حبّوكي : أحبوكي . (6) دوّقتيني : أذقتيني . شافتها : رأتها . (7) بكرة : غداً .

ـــــــــــــــــــــــــــــــــــــــــــــــــــــــــــــــــــــــــــــــــــــــ

       (21)إصحي ياشباب

العالم مليان تعـــــــــــــــابـين     

بتـّاجر ف البني أدميـــــــــــن(1)

وتـْضيع أجسـامهم وعقــولهم    

علشان شمة .. م الهـــــروين(2)

يفقد فيها الشاب حـــــــــــياته    

قبل ما يعرف دول كانوا ميـن(3)

وان عاش بعدها يفــضل داير  

ع الوكر بتاع الشياطيـــــــــن(4)

بعد ماقتلوا عقله وقلـــــــبه وْ    

خلـّوا كرامته زى الطـــــــيــن(5)

والأرض كمان قتلوا فيـــــها     

أحلي ورودها و البسـاتيــــــن(6)

علشان راحوا زرعوا ترابها    

أشجار لسموم الكوكاييـــــــــن(7)

بعد ماكت بتطــــــــلـّع وردة    

دلوقتي تطلـّع براكيــــــــــــــن(8)

تملا الدنيا اْشباح ومآســــــــــي   

بالأموات أو بالمـــــــــــــــــجانين

يسقوا الغير إجرام و جرايــــــم    

قتل و سرقة ف المســـــــاكين(9)

هل دى يا ناس علامات الساعة   

واحنا خلاص ح نكون فانيين؟(10

ألطف بينا يارب إحْمــــــــــــينا   

نزل غضبك ع التعــــــــابيــن(11)

اللي حياتهم عايشين فيــــــــــها   

علشان يحصدوا ف الملايين(12)

خلــّي الأب يعلم إبــــــــــــــــنه   

الأخلاق والخير و الديــــــــن(13)

خلــّيه يقول له قبل الغــــــــــفلة   

قول لأه .. مرة .. وإتنــــــــــــــين

علشان الإنسان تاني يرجـــــــع   

زى ماكان م البني أدمـــــــين(14)

ـــــــــــــــــــــــــــــــــــــــــــــــــــــــــــــــــــــــــــــــــــــــ                           

(1) مليان : ممتلئ . بتاجر : تتاجر .(2) علشان : من أجل .(3) دول : هؤلاء . مين : مَن .(4) يفضل داير : يظل يذهب كثيراً . بتاع الشياطين : أي وكر الشياطين .

(5) زى : مثل .(6) كمان : أيضاً .(7) راحوا : ذهبوا .

(8) كت : كانت . بتطلع : المراد تنتج وتـُخرج . دلوقتي : الآن .(9) جرايم : جرائم .

(10) هل دى : هل هذه . إحنا : نحن . خلاص : تماماً .

(11) بينا : بنا.(12) اللي : الذين .علشان : لكي.

(13)خلي: إجعل . (14) تاني : مرة ثانية.

ـــــــــــــــــــــــــــــــــــــــــــــــــــــــــــــــــــــــــــــــــــــــ

           (22)جــــرح ف القـــــلب

ياحُب جــرحــك هِنا      ف القلـــــب من جوّه(1)

عذابه يومه بْسنـــة      ما بتبــــــعدوش قوة(2)

سقيت معاك المــني      بدمــــــــــــوعي و بدمّي

ماعْرفت طعم الهنـَا      أو إيه يكـــــــون هوّه(3)

ياحُب جرحـــك هِنا      ف القلـــــــــــب مـن جوّه

                *     *     *      *

ياحُب ليه الألـــــــم      جايبه .. ف أحضانك؟(4)

ندمت أكبـــــــر ندم      يوم خدت عنــــــوانك(5)

اللي بنيته إنهـــــدم      من يوم ما جـــيت ليّة(6)

والحلم أصــبح عَدَم     من كُتـر أحـــــــــــــــزانك

ياحب ليــــــــه الألم     جايبه .. ف أحضـــــانــك؟

                *     *     *      *

ياحب إيه العمــــل ؟     جرحك معذبــــــــــــــــني

والجرح لو يـــــندمَل    الذكرى بتصيبــــــــني(7)

ماعادش عــندى أمل    تصــــــــفي لي أيـامك(8)

ومهما طال الأجــــــل   ح تعيش مغلــّــــــــبني(9)

ياحب إيه العمــــــل ؟   جرحك معذبنــــــــــي(10)

                 *     *     *     *

ياحــــــب ليه جي لي   وف إيدك الفرحـــــة؟(11)

أفرح معاك وانجـــلي    والفرحة دي رايحة(12)

موش كنت جيت قلت لي ع اللي..ح يجرى لي؟(13

ده القلب مهما خِلـــي   أحزانه موش جارحـة(14)

ياحب ليه جاي لـــــي   وف إيدك الفرحـــــــــــــة؟

                *     *     *     *

ياحب إنت الســـــبــب    ف الحيرة و الشـــــــكوي

حالك ده فيه العجــــب   لما القلـــــوب تهـــــــــوى

بدّلت راحتي بتعــــــب   و إنت اللي تاعـــبني(15)

ظلمك علـــــيا إنكتـــب   والـمُـــر و القــــــــــسـوة

يا حُب إنت الســبـــــب   ف الحــــيرة و الشــكـوي

                  *    *    *    *

ـــــــــــــــــــــــــــــــــــــــــــــــــــــــــــــــــــــــــــــــــــــــ

(1) من جوّه : من الداخل .(2) ما بتبعدوش : لا تبعده .

(3) إيه يكون هوه : ماذا يكون هو .(4) ليه : لماذا ؟ جايبه : قادم إليا به . (5) خدت : أخذت . (6) اللي : الذي . إنهدم : هُدم . جيت لية: أتيت لي.(7) يندمل : يـُشفي .(8) ماعادش : لم يعد.(9) مغلـّبني : أي ستعذبني و تحيرني.(10) إيه العمل : ما العمل .  (11) ليه جي لي : لماذا جئت لي ؟ (12) أنجلي : أسعد . رايحة : ذاهبة . (13) موش كنت جيت : لماذا لم تأت.ع اللي : علي الذي . (14) خلي : خلا . موش جارحة : لا تجرح .(15)تاعبني : أي أتعبتني.

ـــــــــــــــــــــــــــــــــــــــــــــــــــــــــــــــــــــــــــــــــــ

               (23)راح غرامَك فين؟!*

ولا صبـح أو مســــا؟     أو كلمة كويســــة؟(1)

بيعت خلاص حـبـــنا؟     ضاع حلم عــمرنا؟(2)

              والماضي ده إتنســي؟

ولا صبح أو مِســــا؟      أو كلمة كويســــــــــة؟

                *  *  *  *  *  *  *

راح فين اللي مضــي؟    إتبدد ف الفـــــضا؟(3)

فين الشوق و الهوي؟    فين أحلامــنا سوا؟(4)

              قلبك ده ليه قســـــي؟

ولا صبــــح أو مســــا    أو كلمة كويســــــــــة؟

               *  *  *  *  *  *  *

قلبي ده ليه تظــــلمه؟    ليه موش بترحمـه؟(5)  

ليه حُــــبك يختِفــــي؟    ده أنا دايماً لك وفـي(6)

               بمشاعري المخلصة؟

ولا صبح أو مِسـا؟      أو كــلمة كويســـــــــــة؟

              *  *  *  *  *  *  *

إن كنت بيعتنـــــي       أنا موش ح يهـــمني(7)

بكرة تدوق الألــــم       وتحس بالنــــــــــدم (8)

              والحزن والأســــــي

ولا صبح أو مسا ؟      أو كلمــة كويســـــــــــة؟

              *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ              

* راح غرامَك فين : أين ذهب حُبك .(1) ولا صبح أو مسا : أي ولا قول صباح الخير أو قول مساء الخير؟  كويسة : المراد كلمة حلوة . والبيت مثل شعبي مصري معروف . (2) خلاص : تماماً .(3) راح فين اللي مضي : أين ذهب ما كان بيننا؟  الفضا : الفضاء . (4) فين : أين . سوا : معاً .(5) ليه : لماذا؟ موش بترحمه : لا ترحمه .(6) دايماً : دائماً .(7) موش ح يهمني : لن يهمني . (8) بكرة : غداً . تدوق : تتذوق .

ـــــــــــــــــــــــــــــــــــــــــــــــــــــــــــــــــــــــــــــــــــــــ

               (24)خالــــــــق الكــــــــون

يا خالق الكون من عـــــــــــدم

                           يا زارع الروح ف البشـــــــــر

يا باسط الخير و الكــــــــــــرم

                           يا واهب النور للبصــــــــــــــر

إكتب لي يوم توبة ونــــــــــدم

                           ما يسيبش لذنوبي أثـــــــــــــــر

ياخالق الكون من عـــــــــــدم

                           يا زارع الروح ف البشـــــــــر

                     *  *  *  *  *  *

يا سيدى إيه(1) العمـــــــــل؟

                           خايف تخونّي دنيتـــــــــــــــــك

عندي الذنوب قد(2)الجبـــــل

                           ونْسيت لُقاك و أخرتــــــــــــــك

لكن أنا .. عندي أمـــــــــــــل

                           ترحمني م النار والخطـــــــــــر

ياخالق الكون من عــــــــــدم

                           يا زارع الروح ف البشــــــــــر

                      *  *  *  *  *  *

إسقيني من نبع الهــــــــــدى

                           قوّى لي قلبي بقوتــــــــــــــــك

واجعل لي من حبك صــدى

                           يجبرني أمشي ف سكتـــك (3)

واملا فؤادى بالرضــــــــــا

                           مهما .. يكون أمر القـــــــــــدر

يا خالق الكون من عـــــــدم

                           يا زارع الروح ف البشـــــــــر
                    *  *  *  *  *  *

برغم ذنبي اللي اعمـــــــله

                           عارفك كريم ف رحمتــــــــــك

عبدك بتفضل تمهلــــــــــه

                            وينول بعفوك جنتــــــــــــــــك

نِفسي ..(4)رضاك تعجله

                            وافرح بذنبي اللي اتْغفـَـــــــــر

ياخالق الكون من عـــــدم
                           يا زارع الروح ف البشـــــــــر

                    *  *  *  *  *  *
ـــــــــــــــــــــــــــــــــــــــــــــــــــــــــــــــ

(1) إيه العمل : ما العمل . (2) قد : مثل .

(3) سِكتك : طريقك .    (4) نِفسي:أتمني وأحلم .
ـــــــــــــــــــــــــــــــــــــــــــــــــــــــــــــ

                  (25) فـجــــر بكـــــرة

إنت عندى فجر بكـــــرة      إنت أجــمل أمـنياتي(1)

عشت ويّاك أحلي ذكرى   عندى أغلي من حياتي2       

إنت عندى فجر بكـــــرة      إنت أجمل أمنيــــــــــاتي

                  *  *  *  *  *  *  *  *

ياما جمّعنا الأمانــــــــي     بين إيدينا ف عُقد لولي(3

والهوى بأحلي المعـاني     جه يـْناديلك و يناديلـــي(4

حتي ألحان الأغـــــــاني      جت بتحضن أغنــياتي(5

إنت عندي فجر بكـــــرة      إنت أجمل أمنــــــــــــياتي

                   *  *  *  *  *  *  *  *

 الغرام كان لينا مركـــب     وبتاخدنا ف بحر شوق(6

 والقلوب كت موش بتكدب  والهنـَا مطــــيّرها فوق(7

 والأمل ويّاك بيكتـــــــب     للمني أجمل ساعــــــــاتي

 إنت عندى فجر بكـــــرة    إنت أجــمل أمنيـــــــــــاتي

                  *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                  

* هذه الأغنية صاغها الشاعر علي لسان مطربة.

(1)بكرة : الغد.(2)وياك : معك.

(3) ياما : كثيراً . (4) جه : أتي . يناديلك : ينادي لك . (5) جت : أتت .(6) لينا : لنا . تاخدنا : تأخذنا .

(7) كت : كانت . موش بتكدب : لا تكذب. مطيّرها : أى يطير بها .

ـــــــــــــــــــــــــــــــــــــــــــــــــــــــــــــــــــــــــــــــــــــــ

        (26)إوعى تغيري عليا

إوعي ف لحظة تغـــــــيري عليّا   

علشان ده شئ موش من حـقــِك(1)

حُبك ده عـــــــــــمره ما كان ليّة    

وانا قلبي .. عمره ماكان عاشقِك(2)

موش ممكن أكون مِلك إيديــــكي    

ولا ح أقبل يوم أخضـــــــع ليـكي(3)

ولا ح أرضي بوهمِك ف عينيكي   

ولا حتي .. ع الحـب ح اوافقِـــــــــك

إوعي ف لحظة تغيري عليّــــــا  

علشان ده شئ موش من حقِــــــــك

        *  *  *  *  *  *  *  *

إزاى قلبك ده بيغِيــــــــــــــــــــر    

وانتِ غرامِك كـله لغيـــــــــري؟(4)

فكرِك ح ابقي انا ليكي أســـــــير    

لما أشوفِك كده بتغــــــــــــيري؟(5)

موش ممكن أخلِص لخــــــداعِك    

قلبي ده باع الكدب و باعِـــــــــــــــك

وإتمنيت طول عمري وداعِـــــك    

علشان أبعد يوم وأفارقِـــــــــــك(6)

إوعي ف لحظة تغيـــــــري عليِّا    

علشان ده شئ موش من حقِـــــــــك

        *  *  *  *  *  *  *  *

لو فاكرة إن أنا عَبد غرامِــــــــك      

و الحب بيلـعب بكـــــــــــــــياني(7)

لازم تصحي .. من أوهـــــــامِـك      

مين ح يحب ف قلـــــــب أناني؟(8)

والحب اللي ف قلبي وهبــتـــــه      

للـّي بيعرف معناه وقيــــــــــمته(9)

ولا يسقيش عهده بخـــــيانــــته      

زى إنتِ ما بتخونى عشــــــقِك(10)

إوعي ف لحظة تغـيري علـــــيِا     

علشان ده شئ موش من حقِــــــــك

       *  *  *  *  *  *  *

إزاي تسمحي يوم لمشـــاعرِك      

إنها تتحكم ف عواطفـــــــــــــــــي؟

وإزاى أبقي انا شايــف غدرِك     

واوهب لِك حتي و لو عطــفي؟(11)

فِكرِك إنه بكـــدب شعـــــــورِك     

راح يتحقق كل غــــــــــرورِك؟(12)

لأ وحياتِك صحّي ضميــــرِك      

قبل ما أبقي ف يوم موش طايقِك(13

إوعي ف لحظة تغــيري عليّا     

علشان ده شئ موش من حـقــــــــِك

       *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                

(1) إوعي : إياكي . تغيري : تغارين عليا .علشان : لأن . موش : ليس .(2) ليّة: لي .(3) ليكي : لكِ .

(4) إزاى : كيف ؟ (5) فِكرك : هل تظني ؟  أشوفِك : أراكِ . كده : هكذا . (6) علشان : لكي .

(7) فاكرة : معتقدة . (8) لازم : لابد . مين : مَن .

(9) اللي : الذي . (10) زي : مثل .

(11) شايف : أرى . (12) راح يتحقق : سيتحقق .

(13) موش طايقِك : لا أتحملك .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                    (27)الإرهــــــــــاب

أخطر شئ ف العالم كلــــــــــه

                            دلوقتي..(1)إسمه الإرهــــــاب

بيدمّر ف الدنيا بغلِـــــــــــه(2)

                            وما يعملش لحد حســــــــــــاب

ويشعلل ميْت ألف (3) حريـــق

                            ويموّت كام (4) ألف بـــــــرئ

ويخلي (5) الكون يبقي خراب

أخطر شئ ف العالم كلــــــــــه

                            دلوقتي إسمه الإرهـــــــــــــاب

                     *  *  *  *  *  *

الإرهاب طول عمره مصيبــة

                         علشان (6) ويّاه فكر يدمّــــــــــر

بيخلي .. صاحبه ف غيبوبـــــة

                          و يخليه عمره .. مايعمّــــــــــــر

علشان بيودّيه(7) لنهايتـــــــــه

                          بعد ما يعمل يوم ف جنايتــــــــه

ومصيره يكون كله هباب(8)

أخطر شئ ف العالم كلـــــــــه

                          دلوقتي .. إسمه الإرهــــــــــاب

                     *  *  *  *  *  *

الإرهاب ف العصر الحــاضر

                          أبشع درجات الرجعيـــــــــــــة

و الإرهابي بجهله النـــــــــادر

                          بيهِد معاني الحريــــــــــــــــــة

علشان بيخوّف يوم غيــــــــره

                          ويخليه ف الفكر أسيــــــــــــره

من غير إقناع بالأسبـــــــــاب

أخطر شئ ف العلم كلـــــــــــه

                          دلوقتي .. إسمه الإرهـــــــــاب

                     *  *  *  *  *  *

الإرهابي .. لويتعلــــــــــــــــم

                          إنه يحارب الفكر بفكــــــــــــره

عمره ماكان أبداً يستسلـــــــــم

                         يوم لشْيطان إرهابه و فجـــــــرُه

كان ح يحارب الناس بمبـــادئ

                         موش بقانبل ولاّ بنـــــــــــــــادق

وينول م الكل الإعجـــــــــاب

أخطر شئ ف العالم كلـــــــــه

                            دلوقتي .. إسمه الإرهـــــــــاب

                     *  *  *  *  *  *

الإرهابي ضحية عصـــــــــــر

                            إندبحت(9) فيه الأخــــــــــلاق

والإرهاب ده نتيجة فقـــــــــــر

                         ف ضمير ناس عايشين ف عـداء

لو كان دايماً(10) كل النــــاس

                         بيعيشوا ف حب وإخــــــــــلاص

كان يبقي الإرهاب ده ســـراب

أخطر شئ ف العالم كلـــــــــه

                         دلوقتى .. إسمه الإرهـــــــــــــاب 

                     *  *  *  *  *  *

طول ما العدل ح يفضل(11)غايب

                         الإرهاب ح يعيش ف العالــــــــم

و ح يبقي له مليون صاحـــــــــــب

                         علشان الإنسان بقي ظالــــــــــــم

يوم ما الحق يروح(12)لصحابـــه

                          ويزول الظلم و أسبابـــــــــــــــه

يصبح كل الناس أحبــــــــــاب

أخطر شئ ف العالم كلــــــــــــــه

                           دلوقتي .. إسمه الإرهـــــــــاب

                      *  *  *  *  *  *
ـــــــــــــــــــــــــــــــــــــــــــــــــــــــــــــ

(1) دلوقتي : حالياً .       (2) بغلُه : بشره وشدة حقده ويشعلل ميت ألف : أي يشعل مائة ألف .

(4)كام ألف:أي آلاف.        (5) يخلي : يجعل .

(6) علشان : لأن .   (7) بيوديه : يؤدى به .

(8) هباب : أسود .   (9) إندبحت : ذبحَت .

(10) دايماً : دائماً .      (11) يفضل : يبقي .

(12) يروح : يذهــــــــــب .
ــــــــــــــــــــــــــــــــــــــــــــــــــــــــــــــ

   (28)أعمل إيه ف هواك؟

ليه بتعرف .. إللي ليــــــك؟       

و ما تعرفش اللي عليــك؟(1)

قلت لي أسهر و سهــــرت       

قلت لي أعشق و عشقــــــــت

خدتني للشوق و اشــــتـقت       

ولقيت بُعدك طـــال بيـــــك(2)

ليه بتعرف .. إللي ليـــــك؟      

وما تعرفش اللي عليــــــــــك؟

      *  *  *  *  *  *

خدتني لبلاد الــــــــــشوق      

وفضلت ف حُبي وحــــــيد(3)

ومِشيت لك ألف طـــــريق      

ولقيتك برضـــــــــــه بعـيد(4)

قول لي اعمل إيه ف هواك      

لما غيابك ده يزيـــــــــــد؟(5)

إن كان بُعدك قسّــــــــــــاك       

إرحم أشــــــــــواقي إلــيك(6)

ليه بتعرف .. إللي ليــــــك؟      

وما تعرفــــــــش اللي علــيك؟

     *  *  *  *  *  *  * 

خلـّيتني أحبـــــــــــــــك ليه      

إذا كنت ف يوم ح تغيـــب؟(7)

حاخد من غيـــــــــبتك إيه؟      

غير حيرة وطول تعذيـــــب(8)

أنا عايزك يوم تختــــــــــار       

يا تكون لي أعز حبيـــــــب(9)

 يا تسيبني أعيش ف النار       

لو كان ده شئ يرضــــيك(10)

ليه بتعرف .. إللي ليـــــك؟        

وما تعرفـــــــــــش اللي عليك؟

        *  *  *  *  *  *  *

إزاى نعشق ونحـــــــــــب         

من غير مانشوف كده بعض؟(11

ده الحب يعيش ف القـُرب         

ويمــــــــــــــــــوت لو طال البُعد

إن كنت نويت ع الهـــــجر          

ليه عشــــــــــــمتني بالود؟(12)

وان كان قلبــــــك فيه غدر         

أنا موش لعــبة .. ف إيديك(13)

ليه بتعرف .. إللي ليــــك؟         

و ما تعرفــــــــــــش اللي عليك؟

      *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                   

(1) ليه : لماذا ؟ اللي ليك : ماهو لك . ما تعرفش : لا تعرف . اللي عليك : ماهو عليك .

(2) خدتني : أخذتني . لقيت : وجدت . بيك : بك .

(3) فضلت : ظللت . (4) برضه : أيضاً .

(5)  أعمل إيه : ماذا أفعل ؟ .(6) قسّاك : جعلك قاسياً .

(7) خليتني : جعلتني . (8) حاخد من غيبتك إيه : ماذا سآخذ من غيابك ؟ . طول : دوام .

(9) عايزك : أريدك . (10) تسيبني : تتركني .

(11) إزاى : كيف؟ نشوف : نرى . كده : هكذا .

(12)  ليه عشمتني : لماذا طمّعتني ؟ 

(13) موش لعبة : لستُ بلعبة .

ـــــــــــــــــــــــــــــــــــــــــــــــــــــــــــــــــــــــــــــــــــــــ

           (29) وفــــر حـــبـَك لبكــــرة

لو كان غرامَك عـــسل    ماتخلصــــوش كــــلـه(1)

أحسن يجـــــيلك مـــلل    والحـــــــــب ده تمِلــّه(2)

عايز أشــــوف الهنــــَا    دايماً عايـش بينــــــــّا(3)

ونقضـّي فيه عــمـــرنا    تبقي الحيــــــــــــــاة جنـة

مايغيبش يوم حــــبـــنا    وقلوبــــــــــــــنا تـتألم(4)

ومهما طال الأجـــــــــل    نفضل سوا ف ضِـلــه(5)

لو كان غرامَك عســــل    ما تخلــصــــــوش كلـــــه

               *  *  *  *  *  *  *  *

حُبك له عندى صــــدى    خايـف هواك يخلـَــص(6)

لو مرة قلبك فضـــــــي    إزاي بقــي يخـــــلِص؟(7)

نِفسي يمر الزمــــــــــن    و الحـب ده يفضــــــل(8)

ولو نقابل محـــــــــــــن    ما يجيش ف يوم يدبل(9)

ولو نحس بشــــــــــجن    بالـحب نتبسّــــــــــــم(10)

و يغيب ف ثانية الزعل    والفــرح نوصَــــــلـُه(11)

لو كان غرامَك عــــسل     ما تخلصــــــــــــوش كله

                *  *  *  *  *  *  *  *

مادام بنعـــشق ســــــوا    نعمل حســاب بكـــرة(12)

خايف ســــنين الهـــوي    تصبـــــــح ف يوم ذكــرى

موش راح نحـــس بندم    طول ماالقلوب عاشقة(13

والبعـــــد راح ينعـــــدَم     مانشـوفش يوم فـُرقة(14

و الحــــب راح يبتـــسم     لقلوبــــــــــــــــــنا ويسلـّم

ويجيب مـــــعاه الأمـــل     وردُه بقـــــي و فـُلـُه(15)

لو كان غرامَك عــســل     ما تخلصــــــــــــوش كـلـه

                *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ      

(1) ما تخلصوش : لا تتركه ينتهي . والبيت مأخوذة عن مثل شعبي مصري معروف .

(2) يجيلك: يأتيك .(3)عايز : أريد.أشوف:أرى .الهنا : الهناء.دايماً : دائماً . بينا : بيننا .

(4) مايغيبش : لا يغيب . (5) الأجل : المراد العمر . نفضل : نظل . سوا : معاً .

(6) يخلـَص : ينتهي . (7) فضي : خلا من الحب . إزاى بقي : كيف؟ (8) نِفسي : أتمني . يفضل : يدوم .

(9) ما يجيش : لا يأتي . يدبل : يذبُل .

(10) شجن : حزن . (11) الزعل : الحزن و الغضب . نوصله : نصل إليه .(12) سوا : معاً . بكرة : الغد .

(13) موش راح نحس : لن نشعر . طول : طالما .

(14) راح ينعدم : سينعدم .مانشوفش : لا نرى .

(15) يجيب : يـُحضر.معاه : معه .

ـــــــــــــــــــــــــــــــــــــــــــــــــــــــــــــــــــــــــــــــــــــــ

   (30) بســـتان العــــشق

ف عينيكي باشوف ألف ربيـع    

بيزوّق جنة أحــــــــلامي(1)

وألقي الشوق بقي زهر بديـــع    

يملا الدنيا بعطر غرامـي(2)

ف عينيكي باشوف ألف ربـيع    

بيزوّق جنة أحــــــــــــــلامـى

    *  *  *  *  *  *  *

قلبي ف نظرة شوق بيطـــــير    

ويحلـّق فوق جنـــة خـُلدى

علشان يحضن أحلي عبـــــير    

من أزهار الحلم الوردى(3

وابْقي ف عالم كله حنــــــــان     

وألقي الحـــب ف كل مكان

متبـــــسّم فرحُه .. قـُدامي(4)

ف عينيكي باشوف ألف ربيع     

بيزوّق جنـــــــــــة أحلامى

   *  *  *  *  *  *  *  *

ف عيونِك بيغــــــــني الكــون   

أغنية حـــب و أشـــــــواق

يسمعها .. قلبي المــــــــفتون   

ويقولها لكل العـــشـاق(5)

وغرامي ده يصبح ألحــــــان   

يعشقها الطير الولهان(6)

وتغنيها معــــــاه أيامـــى(7)

ف عينيكي باشوف ألف ربيع   

بيزوّق جنـة أحــــــــلامي

  *  *  *  *  *  *  *  *

ـــــــــــــــــــــــــــــــــــــــــــــــــــــــــــــــــــــــــــــــــــــــ                   

(1) أشوف : أرى .(2) ألقي : أجد . بقي : أصبح .

(3)علشان:لكي.(4)متبسّم:مبتسم. قدامي:أمامي.

(5) المفتون : المبهور بكِ .(6) الولهان : العاشق .

(7) معاه : معه .

ـــــــــــــــــــــــــــــــــــــــــــــــــــــــــــــــــــــــــــــــــــــــ

                    تم الكتاب بحمد الله.

***حقوق الطبع والنشر والملكية الفكرية محفوظة للمؤلف بدار الكتب والوثائق القومية المصرية كما تم توثيق الكتاب بمكتب الشهر العقارى بالإسكندرية.

ــــــــــــــــــــــــــــــــــــــــــــــــــــــــــــــــــــــــــــــــ

أغانى وأزجال الكتاب

(1) الإهداء                  

(2) مجنون بيكي

(3) حاول تبتسم             

(4) دخلت قلبي

(5) غرامك .. مشكلة       

(6) الضمير

(7) حاول تبعد عني        

(8) أعذرينى

(9) الأمية                   

(10) حبك مكتوب لي

(11) أمرك غريب         

(12) حكايتي مع سنية

(13) الحب حظوظ         

(14) لحظة وداع

(15) البطالة                

(16) مراية الحب

(17) أول رقصة            

(18) الدنيا مآسي

(19) الحق عليا أنا         

(20) بسمة

(21) إصحي يا شباب      

(22) جرح ف القلب

(23) راح غرامك فين؟    

(24) خالق الكون

(25) فجر بكرة             

(26) إوعي تغيري عليا

(27) الإرهاب             

(28) أعمل إيه ف هواك؟

(29) وفر حُبك لبكرة      

(30) بستان العشق

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

***مؤلفات الأديب / جمال البيلي المنشورة حالياً في

مدونات (آداب خالدة):

 (1) جـــــنة الزيــــــف  (  ديــوان شــــــــعر).

 (2)عــــــودة الأمــــس (مجموعة قصـــصـية).

 (3) أغنــــية حـــــــــب (ديوان أغاني وأزجال).

 (4)زهرة من الجنة ( ديوان أغـــــاني وأزجال).

 (5)بستان العشق  (ديوان أغـــــــــاني وأزجال).

 (6) جنة الحب (ديوان أغاني وأزجال للأطفــال).

 (7) إغتيال قلب  (ديوان  أغـــــــــاني وأزجال ).

 (8)  المرجيحة  (ديوان أغــــــــــــاني وأزجـال).

 (9) العاشق الكذاب (ديوان أغــــــــاني وأزجال).

    (10) أزاهـــير المـــــسرح (مســــــــــرحيـــــات).

    (11) مختارات من أجمل مؤلفات الأديب / جمال البيلي.

***ويمكنك الآن عزيزي القارئ قراءة كل هذه المؤلفات باستخدام الرابط التالي:

https://plus.google.com/u/0/112674594392432263256#112674594392432263256/posts
ــــــــــــــــــــــــــــــــــــــــــــــــــــــــــــــــــــــــــــــــــــــــ

مدونات الأديب / جمال البيلي في التصوير الفوتوغرافي والفنون التشكيلية;ـ
 Blog 1 : Global Images (1) : with the images of Istanbul trip (part 1
Blog 2 : Global Images (2) : with the images of Istanbul trip (part 2
Blog 3 : Global Images (3) : with the images of Nepal trip (part 1
  Blog 4 : Global Images (4) : with the images of Nepal trip (part 2
 Blog 5 : Global Images (5) : with the images of Nepal trip (part 3
 Blog 6 : Global Images (6) : with the images of Malaysia trip (part 1
 Blog 7 : Global Images (7) : with the images of Malaysia trip (part 2
 Blog 8 : Global Images (8) : with the images of Malaysia trip (part 3
 Blog 9 : Global Images (9) : with the images of Malaysia trip (part 4
 Blog 10 : Global Images (10) : with the images of Malaysia trip (part 5
Blog 11 : The Poet / Gamal Elbialy blog in arts

Blog 12 : Around The World (1): with the images of The Poet / Gamal Elbialy trips around the world (part 1

Blog 13 : Around The World (2): with the images of The Poet / Gamal Elbialy trips around the world 

(part 2

Blog 14 : Around The World (3): with the images of The Poet / Gamal Elbialy trips around the world (part 3

Blog 15 : Around The World (4): with the images of The Poet / Gamal Elbialy trips around the world (part 4

Blog 16 : Around The World (5): with the images of The Poet / Gamal Elbialy trips around the world (part 5 

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالى:_
https://plus.google.com/u/0/112674594392432263256#112674594392432263256/posts
ــــــــــــــــــــــــــــــــــــــــــــــــــــــــــــــــــــــــــــــــــ
مؤلفات الشاعر/ جمال البيلي المترجمة من اللغة العربية إلي اللغة الإنجليزية والمنشورة حالياً في مدونات (آداب خالدة) باللغة الإنجليزية:ـ
 Blog 1: Immortal Literatures (1):with book (Paradise of Falsity) (Poetry book).

Blog 2: Immortal Literature (2):with book (love Song) (book of songs and colloquial poetry).

Blog 3: Immortal Literatures (3):with book (Assassination of Heart) (book of songs and colloquial poetry).

Blog 4: Immortal Literatures (4):with book (The Swing) (book of songs and colloquial poetry).

Blog 5: Immortal Literatures (5):with book (The Liar Lover) (book of songs and colloquial poetry).

ويمكنك الآن عزيزى القارئ قراءة كل هذه المدونات باللغة الإنجليزية بإستخدام الرابط التالي

https://plus.google.com/u/0/112674594392432263256#112674594392432263256/posts

ــــــــــــــــــــــــــــــــــــــــــــــــــــــــــــــــــــــــ

***ملحوظة هامة : ترسل جميع الرسائل والتعليقات علي عنوان البريد الإلكترونى للمؤلف وهو:
   gamalelbialy@rocketmail.com
وسيقوم المؤلف بالرد عليها بنفسه في أقرب وقتٍ ممكن .